Yossef H.

السلام عليكم،

حابب أقدم نفسي بأني متفهم لحجم الشغف والتعب اللي بتبذله في إدارة مشروعك، ووقت التفكير اللي بتستهلكه عشان تطور شغلك وتكبره، وفي الآخر بتلاقي نفسك غرقان في فوضى بيانات مش منظمة، وتقارير مش دقيقة ولا بتعكس النتيجة اللي مستنيها بعد كل التعب ده..

ليه بقول ده؟ لأني من واقع دراستي وتعمقي بمشاريع تحليل البيانات، شفت قد إيه ممكن "بيانات مش نظيفة" تعطل مسيرة نجاح كاملة، وقد إيه صاحب القرار بيبقى محتاج مساعدة عشان يفهم المشاكل اللي في الأرقام وإزاي يوصل لرؤية واضحة تخليه ياخد قرار صح وهو مطمن.

أنا بجمع بين التأسيس الأكاديمي بكلية الحاسبات، وبين التطوير المستمر لمهاراتي كمتدرب في(DEPI)، وده بيخليني أقدم لك حلول منطقية وواقعية، ومعتمدة على أدوات تحليل قوية.

الخدمات اللي بقدر أقدمها لك:

-تنظيف البيانات: تحويل البيانات الفوضوية لجداول منظمة وجاهزة للتحليل ب Power Query.

-التحليل الاحترافي: استخدام Power Pivot لبناء نماذج بيانات، وكتابة معادلات DAX المتقدمة.

-دعم التقنيات الحديثة: استخدام Python كأداة مساعدة في معالجة البيانات الضخمة لضمان الدقة والسرعة.

-تصميم لوحات التحكم: بناء تقارير تفاعلية بتصميم بسيط يركز على مؤشرات الأداء المهمة بوضوح.

مشاريع نفذتها (متاحة بمعرض أعمالي):

-بناء حلول ذكاء أعمال متكاملة لSuperStore.

-تحليل بيانات إدخال الخدمات لمجموعة مباني لاستخراج أنماط الأداء.

-دراسة وتحليل بيانات دول العالم والعواصم لتحديد المناطق الأكثر ازدحاماً.

عشان كده، هتلاقيني معاك في أي حاجة تخص بياناتك، ونبدأ الرحلة سوا بكل أمانة ووضوح.. فإيه رأيك نتشارك الرحلة دي؟ ونبدأ على بركة الله.

أنا دايماً في خدمتك، وتقدر تتفضل بزيارة معرض أعمالي لزيارة جودة الشغل بنفسك.