تحليل استهلاك الطاقة للمنشآت: بناء داشبورد Excel احترافي لتتبع التكاليف والأنماط.

المشروع ده صممته عشان يساعد في مراقبة استهلاك (الكهرباء، المياه، والغاز) لـ مجموعة مباني مختلفة، ونشوف إزاي الاستهلاك ده بيتغير من سنة للتانية. الهدف كان توفير صورة كاملة للمدير عن المصاريف اللي بتدفع في كل مبنى عشان يقدر يقلل الهدر.

إيه اللي عملته في المشروع؟

متابعة استهلاك كل مبنى: ركزت على إن الداشبورد يوضح استهلاك كل منشأة لوحدها، عشان نعرف مين أكتر مبنى بيستهلك ومين المبنى اللي استهلاكه معقول.

رصد التغيير السنوي: حللت الداتا على مدار كذا سنة عشان نشوف هل الاستهلاك بيزيد ولا بيقل، وهل فيه تحسن في كفاءة الطاقة في المباني دي مع الوقت ولا لأ.

إدارة فواتير المرافق: جمعت بيانات (الكهرباء والمياه والغاز) في مكان واحد، وده خلى متابعة الفواتير السنوية وتحديد الميزانية المطلوبة لكل مبنى أسهل بكتير.

الخطوات التقنية اللي نفذتها:

-Power Query: استخدمته عشان أجمع الداتا بتاعة السنين المختلفة لكل المباني في جدول واحد نضيف وجاهز للتحليل.

-Excel Calculations: عملت معادلات تحسب إجمالي المصاريف لكل سنة لكل مبنى، وتطلع نسبة كل مورد (غاز، مياه، كهرباء) من إجمالي المصاريف.

-Interactive Dashboard: صممت واجهة سهلة تخليك تختار "السنة" أو "نوع المبنى" وتشوف كل الأرقام والرسوم البيانية بتتحدث فوراً.