تصميم داشبورد Excel تفاعلي لمراقبة أداء الفروع وتطورهم

المشروع ده بيحل مشاكل حقيقية بتقابل أي صاحب بيزنس؛ وهي إزاي يحول "داتا" المبيعات الكتيرة لقرارات واضحة تزود أرباحه. أنا حولت بيانات متجر SuperStore لـ نظام ذكاء أعمال (BI) متكامل باستخدام الإكسيل، عشان أجاوب على أهم الأسئلة اللي بتشغل أي مدير.

إيه اللي هتلاقيه في المشروع ده؟

متابعة الفروع والتارجت: مكنتش بس بشوف الفروع باعت بكام، لا ده أنا قارنت الأرباح الفعلية باللي كان مفروض يتحقق (Actual vs Target) عشان نحدد بالظبط فين الفروع اللي "شغالة نار" وفين الفروع اللي محتاجة مساعدة.

تحليل المنتجات والربحية: حللت الفئات المختلفة عشان نعرف إيه المنتجات اللي بتجيب "سيولة" (Revenue) بس، وإيه المنتجات اللي بتجيب "مكسب صافي" (Profit)، وده بيساعد جداً في توجيه ميزانية التسويق صح.

لعبة الخصومات (The Safe Zone): عملت معادلة تحسب تأثير الخصم على المكسب؛ عشان نضمن إننا مهما عملنا عروض، نفضل في "منطقة الأمان" ومنبيعش أبداً بخسارة.

الخطوات اللي نفذتها تقنياً:

-Power Query: عشان أنضف الداتا من أي لخبطة أو بيانات ناقصة وأخليها جاهزة للتحليل.

-Data Modeling: بنيت "Star Schema" وربطت الجداول ببعضها عشان السيستم يكون سريع ودقيق.

-DAX Formulas: كتبت معادلات متقدمة عشان أحسب مؤشرات الأداء (KPIs) بشكل تلقائي.

-Interactive Dashboard: صممت لوحة تحكم تفاعلية وسهلة، بضغطة زرار واحدة تقدر تفلتر البيانات حسب الفرع، السنة، أو نوع المنتج وتشوف النتائج فوراً.