Yousef M.

انا يوسف مصمم جرافيك مصري شغوف بالفن البصري والتفاصيل الدقيقة، بخبرة متوسطة في التصميم باستخدام Photoshop وIllustrator.

بحب أشتغل على مشاريع ومهارات متنوعة ، ودايمًا بشتغل على تطوير شغلي من حيث التكوين، الألوان، الترتيب، الإبداع، الفكرة.

بميل للأسلوب الحديث والراقي في التصميم، وبحب أدرس الأعمال القوية وأفكر علشان أفهم المنطق ورا كل تفصيلة، وملهم بالفضاء والطبيعة.

بحط اهتمام كبير في إن التصميم يكون مش بس شكله حلو، لكن كمان يوصل رسالة واضحة وفعالة، وبحب احط أفكاري والأفكار اللي بشوفها حوليا في التصاميم.

درست في المعهد الثقافي الروسي في مصر من 2021، وقعدت أطور من نفسي كتير جدا لحد المرحلة اللي وصلت لها حاليا وكمان دلوقتي بتطور بسرعة كبيرة جدا الحمدلله وتصميم عن تصميم بيفرق معايا وبتعلم منه واؤمن اني اقدر اقدم شغل احترافي وعمل ابداعي بقيمة حقيقية.

الخدمات اللي اقدر اقدمها : تصميم بوستات سوشيال ميديا , تصميم بوسترات دعائية , تصميم مطبوعات زي مثلا تصميم منيو لمطعم , تصميم فلاير اعلاني , تصميم تغليف عبوات واكتر.

والمهارات اللي بتقنها كويس الحمدلله هي تصميم الجرافيك , وتصميم التخطيط , والتايبوجرافي , والخدمات اللي تم زكرها فوق , وبشتغل علي برامج الفوتوشوب والاليستريتور.