عبدالرحمن ع.

بتواجه صعوبة في تفريغ الملفات الصوتية أو الصور اللي فيها نصوص بدقة وتنظيم؟ مش لاقي وقت تكتب محتواك بنفسك؟ أنا هنا عشان أوفر عليك المجهود وأسهل عليك شغلك!

أنا عبدالرحمن، طالب في كلية الطب البشري جامعة طنطا-مصر، ومحترف في تفريغ النصوص وكتابتها على وورد بسرعة ودقة، مع تنسيق احترافي يحافظ على شكل المحتوى. وكمان هتستفيد من التدقيق اللغوي الخالي من الأخطاء الإملائية والنحوية، بحيث تستلم شغلك جاهز بدون أي تعديلات منك.

كمان خبرة في عمل العروض التقديمية PowerPoint باحترافية واشتغلت فيها مع أساتذة جامعيين أكتر من مرة.

وعندي خبرة في الكتابة الإبداعية وكاتب قصة قصيرة في الجريمة والإثارة، وأقدر أكتب قصة قصير في الموضوع المطلوب.

- إيه الميزة اللي هتلاقيها عندي؟

1) دقة واحترافية في التفريغ والتنسيق.

2) سرعة مناسبة تضمن لك استلام العمل في الوقت المطلوب.

3) تدقيق لغوي يضمن نص خالي من الأخطاء الإملائية والنحوية.

يعني بكل بساطة، هتاخد شغل متقن، جاهز للاستخدام مباشرة، وبدون أي مجهود أو بذل وقت منك!

سيب عنك التعب وإهدار الوقت، وخليني أساعدك! تواصل معايا دلوقتي وهكون سعيد بخدمتك.