صموئيل ف.

السلام عليكم، حابب أقدّم نفسي أنا مدرس مساعد في كلية الحاسبات والمعلومات، وشغلي اليومي إني أقعد مع طلاب بيواجهوا نفس المشكلة كل مرة: عندهم فكرة برمجية واضحة في دماغهم، لكن لما يقعدوا يطبقوها يتوهوا في التفاصيل. مش عيب في فهمهم، المشكلة إن حد ما وضحلهمش الطريق من الأول بشكل عملي.

ده خلاني ألاحظ حاجة تانية برة الكلية: نفس المشكلة بالظبط بتحصل مع أصحاب المشاريع عندهم فكرة موقع، أو موقع شغال بس واقع أو استضافته بتعطل، ويقعدوا يدوروا على حد يفهم المشكلة بدل ما يبيعهم كلام تقني كبير من غير حل حقيقي.

فقررت إني اساعد اي حد من اخواتي هن بأني ا: أفهم المشكلة الحقيقية الأول، وبعدين أقول بصراحة إيه اللي أقدر أعمله وإيه اللي محتاج وقت أو خبرة تانية، من غير وعود فاضية.

شغلي بيتقسم لجزئين واضحين:

الأول، واجهات المواقع: صفحات مواقع و صفحات الملف الشخصي وصفحات هبوط ب HTML وCSS وJavaScript، متجاوبة مع كل الأجهزة وبكود تقدر تفهمه وتعدّله بعدين لو حابب.

التاني، السيرفرات والبنية التحتية: حل مشاكل أنظمة Linux، تهيئة بنية سحابية على AWS وAzure، وإعداد خطوط GitHub Actions عشان النشر يبقى تلقائي مش يدوي كل مرة.

فلو حاسس إن مشروعك محتاج حد يوضحلك الصورة قبل ما يبدأ ينفذ، ابعتلي التفاصيل، ونبدأ من نفس النقطة اللي هي مشكلتك الحقيقية.