Aya E.

أنا آيه الياس، محللة بيانات بحب أحول الأرقام المعقدة لنتايج واضحة وسهلة تتفهم. بشتغل على تحليل البيانات باستخدام Excel وSQL وPython وPower BI وSPSS وR، وبساعد أصحاب المشاريع يفهموا الداتا بتاعتهم وياخدوا قرارات مبنية على أرقام حقيقية مش توقعات.

عندي خبرة عملية مع وزارة الاتصالات، واشتغلت على اكثر من 10 مشاريع عملية فيها AI-assisted analytics وتطبيقات واقعية، وده خلاني أقدر أتعامل مع البيانات من أول مرحلة التنظيف لحد عرض النتائج بشكل احترافي. عندي كمان خبرة في تنظيم البيانات وإدارة التقارير من شغلي في شركة سياحة دولية، وده نمّى عندي الدقة والالتزام والاهتمام بالتفاصيل.

بقدم خدمات تنظيف وتجهيز البيانات، التحليل واستخراج ال insights، عمل Dashboards احترافية على Excel و Power BI، وتقارير تحليلية مبسطة تقدر تستخدمها في عرض شغلك أو تطوير مشروعك. كمان بساعدك تفهم معنى الأرقام ورا النتائج، مش بس أطلعلك شيت فيه أرقام وخلاص.

اللي يميزني إني بشرح النتائج بلغة بسيطة حتى لو مش عندك خلفية تقنية، دقيقة جدًا في التفاصيل، ملتزمة بالمواعيد، وبستخدم أدوات ذكاء اصطناعي تسرّع الشغل وتزود دقته. أنا بتعامل مع كل مشروع كأنه مشروعي، وده بيخليني أدي أفضل نتيجة ممكنة.

ومع أي خدمة هتاخد هدية مجانية عبارة عن ملخص تنفيذي بسيط للنتائج تقدر تعرضه بسهولة على فريقك أو مديرك، أو مراجعة سريعة مجانية للبيانات قبل ما نبدأ عشان نحدد أفضل طريقة تحليل ونوفر وقت ومجهود.

لو محتاج حد يفهم الداتا بتاعتك ويحوّلها لقرارات واضحة ومفيدة، ابعتلي رسالة ونبدأ نشتغل على طول.