Ahmed B.

بعمل تطبيقات جوال وبوصّلها لحد ما تبقى منشورة على المتجر والناس بتستخدمها فعلًا. تخصصي الأساسي أندرويد، وبعمل كمان تطبيقات تشتغل على أندرويد و آيفون مع بعض.

الفرق مش في إن التطبيق يشتغل يوم التسليم. الفرق إنه يفضل شغال بعد ست شهور، يفتح بسرعة، مايقفلش فجأة في إيد العميل، ولو بياخد فلوس فالفلوس توصلك صح.

من شغلي:

Arcadia: تطبيق عملته بنفسي من أول الفكرة لحد النشر والتسويق. فاز بالمركز الأول في مسار تطوير تطبيقات أندرويد في مبادرة لوزارة الاتصالات وتكنولوجيا المعلومات، ولسه منشور على Google Play وبيتاستخدم يوميًا.

FlexPing: تطبيق اشتراكات لعميل في بريطانيا. بدأت معاه من صفحة بيضا لحد ما بقى منتج منشور بياخد اشتراكات وتجديد أوتوماتي، ولسه أنا اللي ماسكه لحد دلوقتي.

PixelOne: منصة طلبات وولاء للمطاعم، تطبيق للزبون على أندرويد و آيفون مع لوحة تحكم لصاحب المطعم، متصمّمة بحيث أي مطعم جديد يشتغل عليها من غير ما نعمل تطبيق جديد من الأول.

طريقة شغلي:

أول سؤال بسأله مش عايزه يعمل إيه، لأ مين اللي هيستخدمه وإيه اللي هتكسبه منه. كتير من المرات بلاقي نص المميزات ممكن تتأجّل ونطلع أسرع وبتكلفة أقل.

بقسّم الشغل مراحل، وكل مرحلة بتنزلها على تليفونك وتجرّبها بإيدك قبل ما نكمّل، فمفيش مفاجآت في الآخر.

بصمّم شكل التطبيق بنفسي، فمش هتحتاج تدوّر على مصمّم ومبرمج وتقعد تظبّط بينهم.

وبعد النشر مبقاش موجود، معظم عملائي باقين معايا بعد التسليم للإضافات والصيانة.

لو عندك فكرة جديدة أو تطبيق قايم محتاج تطوير أو تصليح، ابعتلي وهقولك رأيي بصراحة، حتى لو الإجابة إني مش الشخص المناسب ليها.