عمر ع.

بحوّل تطبيقك من "شغال على جهاز المطور" لسيستم شغال على سيرفر حقيقي، ثابت، ومتوثق، وتقدر تديره بعد التسليم من غير ما تحتاجني في كل مرة.

أنا DevOps Engineer متخصص في نشر وتشغيل التطبيقات وتجهيزها لل Production، من أول Docker على سيرفر واحد لحد منصات Kubernetes كاملة لما الشغل يحتاجها فعلاً.

إيه اللي بقدر أعمله:

- Containerization: Docker و Docker Compose للتطبيقات بكل مكوناتها (Backend, Frontend, Databases, Redis, Celery)

- CI/CD: بناء pipelines على GitHub Actions (test, build, deploy) بحيث كل تعديل ينزل بشكل آلي ومضمون

- إعداد Linux servers، Nginx و Traefik ك reverse proxy مع SSL وال networking

- Databases: PostgreSQL وإعداد High Availability

- Kubernetes: منصات RKE2 مع Cilium و Argo CD (GitOps) و Argo Rollouts

- Monitoring و Observability: Prometheus و Grafana و Loki عشان تشوف حالة السيستم وتعرف المشكلة قبل ما تتحول لعطل

إيه اللي بيميزني:

- مش بفرض نفس الستاك على كل مشروع: بختار البنية حسب حجم التطبيق وميزانيتك، فمش هتدفع في تعقيد انت مش محتاجه

- بشتغل على الأساس مش على الترقيع: بحلل المشكلة (deployment, networking, containers) لحد ما أوصل للسبب الحقيقي

- كل حاجة بتتسلم موثقة، والإعدادات محفوظة في Git ومش تعديلات يدوية على السيرفر، فتقدر تكررها أو تسلمها لحد تاني

- الأسرار والمفاتيح بتتحط بره الكود وبشكل آمن

- بشرح بلغة بسيطة إيه اللي اتعمل وليه، مش مصطلحات من غير فايدة

مناسب لك لو:

- عندك تطبيق جاهز وعايز تطلعه Production بشكل منظم ومستقر

- Deployment الحالي بيتعطل أو بيتم يدوي وعايز تأتمته

- عايز تنقل من سيرفر واحد لبنية أقوى بدون ما يوقف الشغل

ابعتلي وصف التطبيق والبنية الحالية، وأقولك أنسب حل وإيه المطلوب.