Mariam E.
نبذة عني
أنا مريم، محللة بيانات عندي خبرة في تنظيف البيانات، تحليلها، وتحويلها لرؤى مفيدة تقدر تساعد الشركات تاخد قرارات صح، تحسّن الأداء، وتحقق أهدافها.
كمان شاركت في تنفيذ أكتر من 5 مشاريع تحليل بيانات بالتعاون مع وزارة الاتصالات وتكنولوجيا المعلومات المصرية، وده إداني خبرة حقيقية في التعامل مع داتا فعلية وتقديم تحليلات بتدعم اتخاذ القرار.
أنا مؤمنة إن كل داتا ليها قصة تستاهل تتحكي؛ ودوري إني أكتشف القصة دي، أفهم أسبابها، وأتوقع ممكن يحصل إيه بعد كده بناءً عليها.
خدماتي في تحليل البيانات
تنظيف البيانات (Data Cleaning):
بظبط الداتا، بعالج الأخطاء، بشيل التكرار، وبرتبها عشان تبقى دقيقة وجاهزة للتحليل.
تحليل البيانات (Data Analysis):
بستخرج الأنماط والمؤشرات المهمة اللي بتوضح نقاط القوة والضعف وفرص التطوير.
تصميم لوحات معلومات تفاعلية (Dashboards):
بعمل تقارير ولوحات بصرية سهلة وواضحة تساعد الإدارة تتابع الأداء وتاخد قرارات بسرعة وبشكل مدروس.
تحويل الأرقام المعقدة لرؤى بصرية بسيطة:
بقدم النتائج بطريقة سهلة الفهم توفّر وقت وتسهّل اتخاذ القرار.
مهاراتي التقنية
Excel:
تحليل البيانات، Pivot Tables، معادلات متقدمة، وعمل تقارير بشكل احترافي.
SQL:
بكتب Queries عشان أطلع البيانات من قواعد البيانات وأحللها بكفاءة.
Python:
بستخدمه في معالجة وتحليل البيانات وأتمتة الشغل باستخدام أدوات متقدمة.
Power BI:
بصمم Dashboards احترافية وتفاعلية بتساعد في اتخاذ القرار.
ليه تختارني؟
ملتزمة جدًا بالمواعيد النهائية.
دقيقة وباهتم بالتفاصيل.
دايمًا بطوّر نفسي وبحب أتعلم الجديد.
بركّز إني أقدّم قيمة حقيقية مش مجرد شغل وخلاص.
كمان متخصصة في تصميم السير الذاتية الاحترافية المتوافقة مع أنظمة ال ATS، وبساعد الناس تقدم نفسها بشكل قوي وواضح يزود فرص قبولها في الوظايف. عندي خبرة في كتابة وتنظيم ال CV باستخدام الكلمات المفتاحية المناسبة لكل مجال، وكمان اشتغلت على أكتر من مشروع في المجال ده وحققت نتائج كويسة.
كمان أنا خبيرة في تصميم ال Presentations باستخدام PowerPoint، وبقدر أحول أي فكرة أو محتوى معقد لعرض بسيط، منظم وجذاب يوصل الرسالة بشكل احترافي. نفذت مشاريع كتير لعمل عروض تقديمية مناسبة للشغل أو الدراسة بشكل يخليها impactful وسهلة الفهم.
ما تترددش تتواصل معايا، ويلا بينا نحوّل داتك لقرارات ذكية وأهداف نقدر نحققها
