Donia K.

أنا دنيا خملية، عمري 24 سنة، متحصلة على شهادة في تقنيات الملتيميديا، ومجالي الأساسي هو التصميم الجرافيكي. منذ صغري وأنا نحب الإبداع ونميل للتصميم، وهذا خلاني نختار تخصص يمكّنني من تحويل الأفكار إلى صور ورموز وهوية بصرية متكاملة.

على المستوى المهني، عندي تجارب مختلفة وساعدتني نكوّن شخصية قوية ومرنة. خدمت فترة في التلي ماركيتينغ، وبعدها دخلت تجربة المشاريع الصغيرة وفتحت صالون أظافر خاص بيا، ومن بعد مشيت لتجربة أخرى وهي بيع منتجات عطرية وصناعات يدوية. زدت خدمت في Ecovillage، واللي أعطاني خبرة في مجال المنتجات الطبيعية وخدمة الحرفاء بطريقة قريبة وبسيطة.

اليوم، أنا مركّزة أكثر على التصميم الجرافيكي . نشتغل على الهويات البصرية، التصاميم الموجهة للسوشيال ميديا، وبطاقات الدعوة المميزة خاصة بزواج وأفراح. نحب ندمج بين الإبداع والبساطة ونقدّم خدمة تخلي أي براند أو مشروع صغير يظهر بصورة احترافية ومختلفة.

طموحي أني نطوّر مهاراتي أكثر ونبني براند خاص بيا في مجال التصميم، ونوصل بخدمتي لأكبر عدد ممكن من الناس، سواء كانوا شركات كبار أو مشاريع صغيرة في بدايتهم. نؤمن أن كل فكرة، صغيرة كانت أو كبيرة، تنجم تولّي قصة بصرية مبهرة إذا تلقى التصميم المناسب.