Sofian E.

أنا Flutter Developer وBack-end بقالي أكتر من سنتين بشتغل على تطبيقات حقيقية بتخدم مستخدمين فعليين، وبحب أحول أي فكرة لتطبيق سريع، عملي، وسهل الاستخدام. اشتغلت على مشاريع مختلفة من أول التطبيقات الإسلامية لحد منصات التوصيل والنقل الذكي، ودايمًا بركز على إن المنتج النهائي يبقى مستقر، سريع، ويقدم تجربة استخدام محترمة.

من أكبر المشاريع اللي اشتغلت عليها **Dizli**، وهي منصة متكاملة للتوصيل والنقل في العراق. كان ليا دور في تطوير أجزاء أساسية زي التتبع اللحظي للسائقين، إدارة الطلبات في الوقت الفعلي، الخرائط والمسارات الذكية، الإشعارات الفورية، أنظمة التوثيق والمحفظة الرقمية، بالإضافة لبناء واجهات استخدام سلسة للسائق والعميل. المشروع كان تجربة قوية جدًا لأن كل حاجة فيه بتحصل Live وبتتعامل مع مستخدمين حقيقيين بشكل يومي.

كمان عملت **FurQan**، وهو تطبيق قرآني متكامل بيجمع بين القرآن الكريم، التفسير، الأذكار، المواقيت، والمحتوى الإيماني في تجربة واحدة بسيطة ومريحة. أكتر حاجة كنت مهتم بيها في المشروع هي إن المستخدم يلاقي كل اللي محتاجه بسهولة ومن غير تعقيد، وده ساعد التطبيق يوصل لآلاف المستخدمين على Google Play.

بحب أشتغل بكود نظيف ومنظم، وأهتم بتفاصيل ال UI/UX زي ما أهتم بال Architecture نفسها، لأن من وجهة نظري التطبيق الناجح مش مجرد كود شغال، لكن تجربة كاملة بتخلي المستخدم يحب يرجعله كل يوم.

شغلي بيعتمد بشكل أساسي على Flutter, Dart, BLoC, REST APIs, Firebase, Clean Architecture, Local Databases و Git، ومعايا خلفية كويسة في Backend Development باستخدام Node.js، وده بيساعدني أفهم السيستم بشكل كامل وأتعامل مع أي تحديات تقنية بشكل أسرع.

هدفي دايمًا إني أكون شريك في نجاح المشروع، مش مجرد حد بينفذ تاسكات، وأطلع منتج أكون فخور إني حاطط اسمي عليه.