Salem G.

بسم الله الرحمن الرحيم

وقل اعملوا فسيرى الله عملكم ورسوله والمؤمنون

قال رسول الله صلى الله عليه وسلم ان الله يحب اذا عمل احدكم عملا ان يتقنه

انا سالم جمعة مطور واجهات امامية بخبرة اكتر من 10 سنين

وانا ماشي بالكلام ده في كل مشروع بشتغل عليه الاتقان عندي مش اختيار ده اساس

انا عارف انك دلوقتي عندك فكرة او مشروع او شغل قايم بالفعل ومحتاج موقع يعبر عنك صح ويوصل رسالتك ويخلي العميل اللي يدخل عليه ياخد قرار من اول زيارة مش يتلفت ويمشي وده بالظبط اللي بعمله

مش ببدا سطر كود واحد قبل ما اقعد معاك وافهم شغلك بتبيع ايه ومين عميلك وايه اللي بيدور عليه وايه المشكلة اللي انت بتحلها له لان الموقع اللي بيتبني على فهم حقيقي بيبيع لوحده والموقع اللي بيتبني على شكل وبس بيتنسي بعد ثواني

اشتغلت على مواقع شركات ومتاجر الكترونية وانظمة ادارة ولوحات تحكم ومواقع تعريفية وصفحات هبوط وكل مشروع فيهم كان ليه هدف تجاري واضح مش مجرد تصميم حلو

متخصص في HTML و CSS و JavaScript و TypeScript و Bootstrap و Angular و React و APIs و Git واتدربت في معهد تكنولوجيا المعلومات ITI واشتغلت على مشاريع حقيقية على ارض الواقع مش مجرد تطبيقات تعليمية

#اللي بيميز شغلي وبيخلي العميل يرجعلي تاني

تصميم يشد الزائر من اول ثانية ويخليه يكمل لاخر الصفحة ويتفاعل

تصميم متجاوب بالكامل يشتغل بنفس الجودة والشكل على الموبايل والتابلت واللابتوب وكل احجام الشاشات

سرعة تحميل عالية لان كل ثانية تاخير بتخسرك زوار وعملاء محتملين

تجربة استخدام سلسة ومريحة تخلي الزائر يوصل لاي حاجة بسهولة من غير ما يتوه

كود نظيف ومرتب ومنظم وقابل للتطوير والتعديل في اي وقت من غير مشاكل

تحسين ظهور موقعك في محركات البحث علشان عميلك يلاقيك لما يدور على خدمتك

الاهتمام بالامان وحماية الموقع وتطبيق افضل الممارسات الامنية علشان بيانات موقعك وبيانات عملائك تكون في امان كامل

توافق الموقع مع كل المتصفحات المختلفة علشان ما يحصلش اي مشكلة مع اي مستخدم

انيميشن وحركات سلسة تدي الموقع حياة واحساس احترافي من غير ما تاثر على السرعة

التزام كامل بالمواعيد ومتابعة مستمرة معاك خطوة بخطوة لحد ما تستلم شغل يليق باسمك

وكمان بقدم خدمات اضافية مع كل مشروع

تعديلات بعد التسليم علشان اتاكد انك راضي 100 بالمية

تدريبك على ادارة الموقع والتعديل عليه لو محتاج

استشارة مجانية قبل البدء نتكلم فيها عن فكرتك وافيدك بخبرتي حتى لو ما اشتغلناش مع بعض

دعم فني بعد التسليم لفترة علشان لو واجهتك اي مشكلة تلاقيني موجود

انا مش بسلمك موقع وامشي انا بسلمك اداة تشتغل لك 24 ساعة وتجيب لك عملاء وتبني ثقة مع كل زائر يدخل عليها

لو عندك فكرة او مشروع ومحتاج حد يحولها لموقع يفرق فعلا ويكون سبب في نجاح شغلك ابعتلي تفاصيل مشروعك ونبدا فورا.