ابراهيم م.

اسمي ابراهيم محمد بحب اعمل الحاجات اللي بتخليني مستمتع زي البرمجة باستخدام لغة python او اني اعلم الناس حاجة تفيدهم.

بما ان حضرتك دخلت علي الحساب بتاعي فده معناه ان حضرتك مهتم بمجال البرمجة باستخدام لغة python ولو مكنتش مهتم او متعرفش ايه البايثون فدية فرصة كويسة اني اقول لحضرتك ايه هي.

لغة البايثون لغة سهلة, بتدخل في مجالات كتير جدا زي ال machine learning و artificial intelligence وبما ان العالم دلوقتي بيتجه لان كل حاجة تتعمل عن طريق الات فلازم حضرتك تبقي علي الاقل عندك الخلفية الكافية علشان تفهم الالة بتعمل ايه.

ده باذن الله اللي هبدا في تعليمه لحضرتك. في الاول طبعا لازم نعرف اساسيات لغة البايثون و بعديها نعمل شوية تطبيقات باللي اتعلمناه علشان نثبت المعلومة و بعد كده نشوف المجال اللي حضرتك مهتم بيه زي GUI مثلا.

اتمني في الاخر اني اكون قدرت ساعدت حضرتك.