اسلام ش.

لو بتدور على حد يعملك فيديو احترافي ومتكامل، يجمع بين المونتاج والموشن جرافيكس والصوت النقي، فانت في المكان الصح.

معايا هتاخد خبرة 3 متخصصين في شخص واحد: مونتير فيديو، مصمم موشن جرافيكس، ومهندس صوت. ده هيوفر عليك وقت ومجهود وفلوس، والأهم، هيضمن لك إن فكرتك تطلع بأفضل شكل ممكن.

الحمد لله، خبرتي مش مجرد كلام. اشتغلت على مشاريع تم عرضها على قنوات تلفزيونية زي قناة الرحمة، وليا الشرف إني تعاونت مع شخصيات معروفة زي الدكتور حازم شومان والدكتور محمد جلال في مشاريعهم المرئية. ده خلاني أفهم كويس إزاي أقدم محتوى مؤثر وهادف يوصل للناس.

ببساطة، دي الحاجات اللي أقدر أقدمها لك:

مونتاج فيديو: سواء كان برنامج متعدد الكاميرات، بودكاست، فيديوهات يوتيوب، أو مقاطع ريلز سريعة.

موشن جرافيكس: أقدر أعملك مقدمة احترافية، أحرك اللوجو بتاعك، أو أصمم فيديوهات رسوم متحركة كاملة.

هندسة صوتية: بنقّي الصوت وأشيل أي دوشة أو صدى، وأظبط مستوياته عشان يكون مريح وواضح للمستمع.

أتمنى تاخد لفة في معرض أعمالي عشان تشوف نماذج من شغلي. ولو عندك أي استفسار أو حابب نناقش مشروعك، أنا موجود ومستعد أسمعك.

تحياتي،

إسلام شاهين