أحمد ا.

السلام عليكم،

حبيت أقدّم نفسي بطريقة بسيطة وواضحة… لأن أكتر حاجة الناس محتاجاها لما تتعامل مع مصمّم هي إنها تتأكد إنه فاهمهم بجد، وفاهم احتياجات مشروعهم، وقد إيه تصميم تجربة المستخدم مش مجرد ألوان وخطوط، بل شغل عميق محتاج تركيز وتفكير بصري مظبوط.

ليه بقول كده؟

لأني اشتغلت خلال الفترة اللي فاتت على مشاريع مختلفة في تصميم التطبيقات والمواقع باستخدام Figma، وكنت دايمًا بشوف قد إيه أصحاب المشاريع بيعانوا في إن فكرتهم تتحوّل لواجهة فعلاً سهلة ومفهومة.

ويمكن ده اللي خلّاني أركز أكتر على إن كل مشروع يبدأ من فهم حقيقي للمستخدم… مش مجرد شكل حلو وخلاص.

كنت بصمّم الشاشات الأساسية، صفحات التسجيل، لوحات التحكم، ومع كل مشروع كنت بقدّم نظام تصميم موحّد يساعدهم يطوّروا مشروعهم بسهولة بعدين.

واللي كان يفرّق فعلًا هو إن العميل نفسه يبدأ يشوف الفكرة قدّامه بشكل واضح ومنظّم، بدل ما تكون مجرد كلام.

ومش بس كده…

بدأت أشرح للي بيتواصلوا معايا إزاي التصميم الصح ممكن يزود معدّل التحويل، ويزوّد تفاعل المستخدم، ويخلّي كل خطوة في التطبيق محسوبة ومفهومة.

ومع الوقت وصلت لقناعة إن أي مشروع — مهما كان حجمه — يستحق واجهة تحترم المستخدم وتسهّل عليه مش تعقّده.

فعشان كده…

هنبدأ الرحلة سوا بإذن الله، خطوة بخطوة…

من مخططات أولية بسيطة، لفكرة أوضح، لتصميم بصري جذاب، ولحد تسليم ملفات و صور التصميم كاملة بكل الأصول الجاهزة.

ولو أنت عندك فكرة مشروع وعايز تشوفها بتتحوّل لواجهة تفاعلية حقيقية… فأنا جاهز بكل أمانة ونبدأ على بركة الله.