Ahmed E.

كنت دايمًا بحس إن الأفكار الحلوة بتضيع لما تتعرض بشكل ممل. شفت فيديوهات كتير فيها محتوى مفيد، لكن مفيش حد بيكملها، لأن طريقة عرضها مش جذابة.

من هنا بدأت رحلتي في عالم المونتاج. علمت نفسي من الصفر، وطورت مهاراتي خطوة بخطوة، لحد ما وصلت لمرحلة أقدر فيها أحوّل أي فكرة لفيديو جذاب، يوصل الرسالة بشكل احترافي، ويشد انتباه المشاهدين من أول ثانية.

معاكم أحمد عبد الحميد، 22 سنة، خريج كلية الإعلام – جامعة الأزهر، محرر فيديوهات (مونتير) وصانع محتوى مرئي.

لدي خبرة قوية في مونتاج الفيديوهات الطويلة والقصيرة (مثل الريلز واليوتيوب شورتس والتك توك)، وبعرف كويس إزاي أخلّي الفيديو يوصل فكرته بشكل سريع، جذاب، ويحقق تفاعل حقيقي.

اشتغلت مع أكثر من عميل في مجالات مختلفة، وبفضل الله ثم جودة الفيديوهات، ارتفعت نسب المشاهدات بشكل ملحوظ على المحتوى اللي اشتغلت عليه.

أؤمن إن الإبداع لازم يكون مدعوم بالإخلاص في الشغل، والاهتمام بالتفاصيل الصغيرة قبل الكبيرة. لما تشتغل معايا، هتلاقي التزام في المواعيد، تواصل محترم، وحرص إني أطلع بأفضل نتيجة ممكنة ترضيك وترضي جمهورك.

جاهز أشتغل على مشروعك القادم بإذن الله، وهدفي دايمًا إن الفيديو بتاعك بتحكي عنه، مش مجرد فيديو يتشاف ويتنسى.

قال رسول الله ﷺ: "لو أنكم تتوكلون على الله حق توكله، لرزقكم كما يرزق الطير، تغدو خماصًا وتروح بطانًا"

(رواه الترمذي)