Adam A.
نبذة عني
سلام عليكم
قبل ما نبدأ، حابب أعرّفك بنفسي بسرعة
أنا آدم، Video Editor بشتغل في المجال بقالّي أكتر من سنتين، وقدرت خلال الفترة دي أنفّذ أكتر من 200+ مشروع مع صُنّاع محتوى وشركات من الشرق الأوسط وأوروبا.
شغلي دايمًا مبني على فكرة واحدة.. إن كل فيديو لازم يبقى ليه روح، قصة، إحساس… مش مجرد صور متجمعة على تايم لاين وخلاص
أنا بشتغل على أحدث البرامج اللي بتضمن إن كل ثانية في الفيديو تكون محسوبة ومتقنة:
Premiere Pro في التقطيع والساوند ديزاين،
After Effects في الموشن والانتقالات الاحترافية،
Photoshop في القصّ والتعديل بخبرة ذكاء اصطناعي،
و Blender بستخدمه بشكل بسيط علشان أطلع مشاهد 3D محترفة لما المحتوى يحتاج ده.
اشتغلت في محتويات كتيره ومتنوعه منها
Talking Head، Documentary، Tech، UGC، Real Estate، Educational، Gaming...
سواء Long Form أو Short Form
الأهم إن كل فيديو فيهم كان بيزدني خبره و معرفه عن معظم المحتويات و طريقه عرض كل محتوي منهم بالطريقه اللي تناسب الجمهور المستدف
والفترة الأخيرة بدأت أركّز أكتر على دراسة اتجاهات السوق الجديدة اللي فعليًا بتجيب مشاهدات و تحولها لمبيعات.
بدرس ليه فيديو معين بيكمل للآخر
ليه الجمهور بيتفاعل مع لقطة ويفوّت التانية
وازاي المونتاج لو اتعمل صح يرفع قيمة المحتوى ويربط المشاهد بالقصة لحد آخر ثانية
فلو محتاج شخص فاهم السوق كويس، وبيعرف ينفّذ أفكارك على أرض الواقع، ويدّي الفيديو بتاعك الإحساس اللي يخلّي المشاهد يكمل…
يبقى أنت بتدور عليّ.
تقدر تتواصل معايا في أي وقت، وهسمع فكرتك… ونحوّلها سوا لفيديو يِتسمع ويتشاف ويتحب
