في المشروع التاني مع نفس المستثمر، كان الهدف إننا نكمّل الهوية اللي بدأناها للقناة: ستايل وثائقي غامق، فيه عمق وإثارة، زي أسلوب Fern & Omar Aburob… لكن المرة دي الموضوع كان مختلف تمامًا.
الفيديو الجديد كان بيتكلم عن أخطار الفيب، وازاي الصناعة دي بقت واحدة من أكتر المجالات اللي فيها تضليل، تسويق خادع، وتأثيرات صحية خطيرة محدش بيتكلم عنها بصراحة.
العميل سلّمني سكريبت كامل، والباقي كله كان مسؤوليتي.
كان لازم أحوّل الكلام المكتوب ده لرحلة بصرية وصوتية تخلي المشاهد يحس بالخطر الحقيقي اللي ورا الصناعات دي…
فجمعت عناصر من أرشيف مرئي، واستخدمت أدوات زي Kling AI و Freepik لتوليد لقطات ومشاهد تخدم الجو العام من غير ما أضيع وقت كتير في التصوير أو التجهيز.
اشتغلت على المونتاج بدقّة، وبنيت إيقاع بيدخل المشاهد في الحالة…
اشتغلت على هندسة الصوت علشان أحط إحساس التوتر في اللحظات المناسبة، واضفت مؤثرات بصرية بسيطة لكنها قوية تخدم الـ vibe المظلم للفيديو.
والنتيجة؟
فيديو مدته حوالي 10 دقايق اتسلّم قبل الديدلاين، والعميل كان مبسوط جدًا—خصوصًا من طريقة سرد المعلومات وربطها بالمشاهد اللي اتعملت بالذكاء الاصطناعي.
وقال إن الفيديو ده كان احسن فيديو اشتغلت عليه من ساعه بدأنا
التجربة دي فرقت معايا فعلًا لأنها أكدتلي إن الشغل الوثائقي مش بس في عرض معلومات…
هو إحساس، وإخراج، وحرفية تخلي المشاهد من أول ثانية لآخر ثانية حاسس إن في سرّ هيتكشف