اسامه ع.

السلام عليكم، أنا أسامة، مطور ويب.

دخلت مجال البرمجة من فترة وبدأت أتعلم بنفسي خطوة بخطوة. جربت أكثر من مجال وركزت على تطوير المواقع لأني حسيته أقرب لي. بدأت ب HTML وCSS وبعدين JavaScript، ومع الوقت تعلمت Node.js وMySQL وصرت أسوي مشاريع متكاملة من الصفر.

الواجهات اللي أسويها دايم أستخدم فيها Tailwind CSS لأنه سريع ويعطيني تصميم نظيف ومرتب بدون تعقيد. أحياناً أستخدم React إذا المشروع يحتاج تفاعل أكثر. لكن الأهم عندي يكون التصميم متجاوب مع الجوال 100%، لأن أكثر الزوار اليوم يفتحون من الجوال.

في الباك إند، أستخدم Node.js وExpress. أسوي REST API كامل، أربطه مع قاعدة بيانات MySQL، وأضيف Middleware للحماية والصلاحيات. أعرف أسوي أنظمة تسجيل دخول كاملة، تأكيد بريد إلكتروني، استعادة كلمة مرور، وأنظمة صلاحيات (أدمن، مستخدم عادي).

عندي خبرة كمان في رفع الملفات، إرسال إيميلات تلقائية عبر Nodemailer، وحماية المسارات. قريباً اشتغلت على منصة تعليمية متكاملة لزبون، فيها 3 أنواع حسابات، نظام اشتراكات، رفع فيديوهات، تتبع تقدم الطالب. غير كذا سويت لوحة تحكم كاملة لموقع ثاني تمكن صاحب الموقع يغير الصور والنصوص والألوان بنفسه.

أيضاً عندي مشروع Web Scraping أسحب بيانات المنتجات من مواقع التجارة الإلكترونية بشكل تلقائي.

كل مشروع أبنيه بنفسي حسب احتياج الزبون. الكود حقي دايم يكون نظيف ومرتب ومقسم لملفات، أي مبرمج ثاني يقدر يشتغل عليه بعدي بسهولة.

أسلم المشروع كامل مع كل الصلاحيات، وأعطي الزبون شرح بسيط كيف يستخدم الموقع أو لوحة التحكم. بعد التسليم أبقى متواصل لأي تعديلات أو دعم.