Noura N.

السلام عليكم، انا نورا نعيم درويش، طالبة فى كلية الطب وقعت فى حب تحليل البيانات و امكانيات المشاريع المختلفةلما نحلل البيانات بالطريقة الصح.

اتعلمت عن اهمية تحليل البيانات فى المجال الطبى فى واحدة من محاضرات الكلية، و لما بدأت اقرأ عن إزاى تحليل البيانات بيساهم فى تطوير الطب و الوقاية و السيطرة على الامراض المعديّة المختلفة، سألت نفسى ايه تانى ممكن يساهم فيه تحليل البيانات، و من هنا أدركت ان تحليل البيانات مش بس بيساهم فى المجال الطبى بل يكاد يكون بيساهم فى كل المجالات، و من هنا بدأت احب الموضوع اكتر و بدأت اطور من نفسى و اتعلم اكتر عن المجال ده عشان اقدر اكون افضل محللة بيانات و لسة لحد دلوقتى كل يوم بتعلم حاجة جديدة و مهارة جديدة.

انا دلوقتى شغالة كمحللة بيانات متدربة مع وزارة الاتصالات و تكنولوجيا المعلومات المصرية ضمن مبادرة رواد مصر الرقمية و فى خلال هذه الرحلة المستمرة حتى الآن اكتسبت وطبقت مهارات متقدمة في التحليل وتنظيف وتحسين البيانات وعرضها باستخدام Excel بالإضافة إلى قواعد البيانات وإنشاءها وتحسين البيانات وعرضها بشكل احترافي باستخدام SQL، بالإضافة إلى لغة البرمجةPython واستخدامها في تنظيف البيانات وعرضها باستخدام المكتبات من خلالها. بالإضافة إلى عمل لوحات التحكم وعروض البيانات. كل هذه المهارات تم تطبيقها على مشاريع أثقلتني بخبرة عملية قوية.

انا محللة بيانات طموحة مستنياك تتواصل معايا عشان اساعدك باستخدام الادوات اللى انا اتعلمتها زى: Excel, SQL, Python and Power BI نطلع رؤية استراتيجية تساعدك فى اتخاذ قراراتك و تدفع الشغل لقدام.