Mostafa S.

ببني أنظمة إدارة مخصصة للشركات الصغيرة والمتوسطة — نظام مبني على طريقة شغلك إنت، مش قالب جاهز بتتلوى عليه.

اشتغلت على نظامين كاملين شغالين فعلًا:

• نظام إدارة مشاريع لشركة تشطيبات ومقاولات — عروض أسعار مبدئية وتفصيلية بنسخ متتابعة، بنود أعمال بنسب إنجاز، دفعات العملاء، عهدة المهندسين، مرتبات ومصروفات، وبوابة يدخل منها العميل يتابع مشروعه ويرفع إيصاله من غير حساب ولا باسورد.

• نظام مخزون ومبيعات لتجارة أقمشة — بيع بالتوب وبالمتر وبالكرتونة، تكلفة الشحنة الواصلة موزعة على الكراتين بعملتها وسعر صرفها، أرصدة عملاء بحدود ائتمانية مقفولة من قاعدة البيانات نفسها، وتقرير أرباح وخسائر بيربط ربح كل حاوية بتكلفتها.

بشتغل على مسارين حسب حجم الشغل:

• ويب أب كامل — لوحة تحكم على النت، صلاحيات لكل موظف، بيانات مركزية، وتقارير. بيتسلّم على دومين العميل واستضافته.

• ملف إكسل متقن — لما الشغل مايستاهلش نظام كامل: معادلات مقفولة، إدخال محكوم، وتقارير جاهزة.

كل عميل بياخد نسخة منفصلة تمامًا بقاعدة بيانات خاصة بيه. بياناتك متخلطش مع حد، والمميزات اللي تخصك مش هتتفرض على حد تاني.

قبل ما أبدأ بقعد أفهم شغلك بيمشي إزاي، وأطلّع مستند مواصفات مكتوب بالشاشات والحسابات — وده اللي بنتفق عليه قبل أي سطر كود.

خريج هندسة ميكانيكا، وبدير وكالة تسويق بتخدم قطاع المقاولات والتشطيبات والتصميم الداخلي — فبفهم شغل العميل قبل ما أبرمج.