Mennatullah G.

أنا منة جبريل، Front-End Developer بعقلية Software Engineer.

بالنسبة لي، تطوير الواجهات مش مجرد كتابة كود وتحويل تصميم إلى صفحة ويب. أنا بحب أفهم الصورة كاملة؛ إيه الهدف من الواجهة؟ المستخدم هيتعامل معاها إزاي؟ وإيه التفاصيل اللي ممكن تخلي التجربة أبسط وأفضل؟

بطبيعتي، بهتم بالتفاصيل وبراجع شغلي أكتر من مرة، لأن أحيانًا الفرق بين واجهة عادية وواجهة متقنة بيكون في حاجات بسيطة جدًا؛ ترتيب العناصر، المسافات، ال Responsive Behavior، وسلاسة التفاعل.

ومن هنا، بقدر أحوّل التصميمات والأفكار إلى مواقع ويب حقيقية وعصرية، وأطوّر الواجهات الموجودة بإضافة المميزات المطلوبة وتحسين شكلها وتجربة استخدامها، مع الاهتمام بالتفاصيل وتقديم صفحات متجاوبة تعمل بكفاءة على مختلف الشاشات.

ومع كل مشروع، بحاول أوازن بين شكل الواجهة وجودة الكود، بحيث النتيجة تكون مش بس شكلها حلو، لكن كمان منظمة، عملية، وقابلة للتطوير.

أنا مؤمنة إن الشغل الجيد مش بيبان بس في النتيجة النهائية، لكن في التفاصيل اللي اتعملت صح حتى لو المستخدم مش واخد باله منها.

هدفي في كل مشروع إني أقدّم واجهة تعبر عن فكرة صاحبها، وتخلي استخدامها تجربة بسيطة، واضحة، ومريحة.