Mahmoud M.

أنا محمود محمد، مصمم جرافيك محترف بخبرة تمتد اكثر من 2 في مجال التصميم الإعلاني والهوية البصرية، اشتغلت خلالها على مشاريع متنوعة في مجالات مختلفة، أهمها السوشيال ميديا، الإعلانات الرقمية، والمطبوعات.

بؤمن إن التصميم مش مجرد شكل حلو، لكن أداة تسويق حقيقية، وعلشان كده كل شغل ببدأه بفهم البراند، الهدف، والجمهور المستهدف، وبعدها أطلع بفكرة واضحة وتنفيذ بصري يخدم الهدف ده ويحقق نتائج فعلية.

متخصص بشكل أساسي في:

تصميمات السوشيال ميديا الإعلانية والبراندينج

إعداد أفكار كرييتف للحملات التسويقية

تصميم الهويات البصرية (لوجو – ألوان – خطوط)

المطبوعات بأنواعها (منيوهات – فلاير – بانرات – كروت شخصية)

تجهيز التصميمات للإعلانات الممولة بما يناسب كل منصة

اشتغلت على براندات ومشاريع في مجالات متعددة مثل المطاعم، الكافيهات، العيادات، والخدمات، وده خلاني أكون فاهم اختلاف الجمهور من مجال للتاني، وإزاي أوصل الرسالة الصح بالشكل المناسب.

أسلوبي في الشغل بيعتمد على:

فكرة قوية قبل أي تنفيذ

تصميم نظيف ومتوازن بصريًا

اختيار ألوان وخطوط مدروس

مرونة في التعديلات واهتمام بأدق التفاصيل

التزام بالمواعيد وجودة عالية في التسليم

بحب أشتغل كشريك نجاح مش مجرد مصمم، ودايمًا هدفي إن التصميم يضيف قيمة حقيقية للبراند ويقوّي حضوره قدام جمهوره.

لو بتدور على مصمم يفهمك، يسمع فكرتك، ويحوّلها لتصميم احترافي يعبّر عنك ويخدم هدفك…

أهلاً بيك، يسعدني نشتغل سوا.