جون ب.

أهلاً! أنا جون بهاء،

مطور واجهات إلكترونية (Front-End Developer) ومحلل بيانات شغفي الأساسي هو إني أحول أي فكرة في دماغك لواقع رقمي حقيقي، موقع أو تطبيق ويب سريع، سلس، وشكله يبهر أي حد يستخدمه.

بدأت رحلتي في عالم تقنية المعلومات وكان كل اهتمامي إزاي أبنيلك واجهة مستخدم مبتتنساش؛ تجمع بين الشكل الجمالي، السرعة، والتفاعل الذكي، مع فهم عميق للبيانات وإزاي نستغلها صح.

وعشان أقوي مهاراتي التقنية التحقت ب معهد تكنولوجيا المعلومات (ITI) التابع لوزارة الاتصالات، وهناك اتدربت بشكل مكثف وعملي على أحدث تقنيات تطوير الويب.

حصلت على منحة مبادرة رواد مصر الرقمية (DEPI) وتخصصت في مجال تحليل البيانات (Data Analysis)، وده أضاف لي بعد تقني قوي جداً في فهم البيانات ومعالجتها وبناء لوحات التحكم (Dashboards).

المميزات والخبرات التقنية:

- خلفية تقنية قوية ومحدثة في تطوير الويب:خلال تدريبي في ITI، أتقنت بناء تطبيقات الويب الحديثة باستخدام Vue.js، وبكتب كود ديناميكي متطور ب JavaScript (ES6+)، ده غير الأساس المتين في HTML5 و CSS3، وتصميم واجهات بتضبط وتتجاوب تماماً مع كل الشاشات باستخدام Bootstrap.

- خبرة متقدمة في تحليل البيانات:من خلال منحة DEPI، أتقنت التعامل مع البيانات وتحليلها باستخدام أحدث الأدوات مثل: Excel، Power BI، Python، Tableau، و SQL Server، وده بيساعدني أستوعب متطلبات المشاريع المعقدة اللي بتعتمد على عرض أو تحليل البيانات في واجهات الويب.

- اهتمام بالتفاصيل وكود نظيف (Clean Code): يهمني جداً إن الكود يكون متظبط، منظم، وسهل التعديل عليه مستقبلاً، مع التركيز على سرعة تحميل الصفحات وسلاسة الحركة عشان الزبون لما يدخل موقعك يعيش أحسن تجربة مستخدم (User Experience).

هدفي الأول في أي مشروع مش مجرد إني أسلّم الخدمة وخلاص، لكن إني أبنِي معاك علاقة شغل طويلة قائمة على الثقة والاحترافية.