Jana S.

مهتمة بالأمن السيبراني، وبحب أفهم الأنظمة بتشتغل إزاي، إيه نقاط الضعف اللي ممكن تهددها، وإزاي نقدر نحميها بشكل أفضل.

أنا Junior Cybersecurity Specialist، عندي خبرة عملية من خلال التدريب والمشاريع في مجال Network Security وتأمين الشبكات والأنظمة وتحليل الثغرات الأمنية. اشتغلت على مهام مرتبطة بتأمين ال Firewalls، ومراجعة إعدادات الحماية، وتقييم مستوى الأمان، وكمان بنيت بيئة اختبار عملية لل Automated Penetration Testing باستخدام أدوات وتقنيات مختلفة.

بستخدم أدوات وتقنيات زي Kali Linux وLinux وProxmox وDocker، وعندي معرفة عملية بتقنيات الشبكات وجدران الحماية، بالإضافة إلى اهتمام خاص بمجالات Ethical Hacking وPenetration Testing وVulnerability Assessment.

بالنسبة لي، الأمن السيبراني مش مجرد أدوات أو مصطلحات تقنية، لكنه فهم للمشكلة، واكتشاف للمخاطر، ومحاولة للوصول لحلول عملية تساعد على حماية الأنظمة والبيانات. وعشان كده، بهتم إني أوضح النتائج بشكل منظم وسهل الفهم، سواء للشخص التقني اللي محتاج تفاصيل دقيقة أو لصاحب المشروع اللي عايز يفهم المشكلة وتأثيرها على شغله.

أنا في بداية رحلتي المهنية، وبطوّر مهاراتي باستمرار من خلال التطبيق العملي والبحث والتعلّم. بهتم بالتفاصيل، وبحب حل المشكلات، وبحرص على تنفيذ المهام بشكل منظم ومسؤول، مع الالتزام بنطاق العمل المتفق عليه.

هدفي إني أساعد الأفراد والشركات على فهم المخاطر الأمنية بشكل أفضل، وتحسين حماية أنظمتهم، وبناء أساس أمني أقوى لمشاريعهم.