Iman M.

مرحبًا

أنا إيمان، محللة بيانات و GIS مبتدئة، مهتمة بتحويل البيانات لأفكار واضحة وسهلة الفهم تساعدك تشوف الصورة بشكل أدق.

بشتغل على تنظيم البيانات، تنظيفها، تحليلها، وتحويلها لداشبورد أو مخرجات بصرية زي التقارير والخرائط التفاعلية. باستخدم أدوات زي Excel، SQL، Python، Power BI، و ArcGIS، وبحرص دايمًا إن النتائج تكون عملية ومفيدة مش مجرد أرقام.

خلال خبرتي مع وزارة الاتصالات وتكنولوجيا المعلومات، شاركت في تنفيذ مجموعة متنوعة من المشاريع التطبيقية، واللي ادتني فرصة أتعامل مع بيانات حقيقية وأطوّر مهاراتي بشكل عملي. اشتغلت على أكثر من 15 مشروع في مجالات مختلفة ما بين تحليل بيانات، إعداد داشبورد، ومعالجة بيانات مكانية، وده ساعدني أكتسب خبرة قوية في فهم البيانات واستخراج insights واضحة منها.

بالنسبة لي، جودة الشغل ووضوحه أهم حاجة. بحب إن العميل يفهم النتائج بسهولة، علشان كده بحرص إن التحليل والمخرجات يكونوا بسيطين، منظمين، وسهل استخدامهم. كمان ملتزمة بالمواعيد وبحترم تفاصيل كل مشروع مهما كان حجمه.

مع أي خدمة، بقدّم تعديل مجاني بعد التسليم، وبساعد بنصائح عملية لتحسين استخدام النتائج أو الداشبورد، علشان تضمن أقصى استفادة ممكنة من الشغل.

لو محتاج حد يهتم ببياناتك ويحوّلها لشغل مرتب واحترافي، يسعدني أشتغل معاك .