Abdullah E.

السلام عليكم حابب أقدم نفسي بأني من أكتر الناس اللي ممكن تلاقيها فاهمة قلق صاحب الموقع أو الشركة اللي بيشتغل شهور على مشروعه وبيصرف عليه وقت وفلوس وفي الآخر بيصحى على موقع اتخترق أو بيانات اتسربت أو بيفضل قلقان طول الوقت من إن ده يحصل في أي لحظة

ليه بقول ده؟ لأني اشتغلت على فحص وتحليل تطبيقات الويب والأنظمة اللي ليا تصريح باختبارها ولقيت إن أغلب المشاكل مش بسبب إن صاحب الموقع مقصّر لكن لأن مفيش حد بيراجع الموقع بعين المخترق قبل ما المخترق الحقيقي يوصله ومنهم اللي عنده موقع شغال بس مش عارف فيه ثغرات ولا لأ ومنهم اللي عنده مشكلة في الشبكة أو الجدار الناري ومحتاج حد يفهمه إيه اللي بيحصل بالظبط

وكمان عندي خلفية في الشبكات والدعم الفني (FortiGate، DNS، VPN استكشاف مشاكل الاتصال) وفي تطوير الويب (HTML, CSS, JavaScript, PHP, Laravel, Python, Django) يعني أنا بفهم الموقع من جوه كمبرمج وبختبره من برا كمخترق أخلاقي وده بيخليني أوصل لمشاكل ناس كتير بتفوتها

فعشان كده هتلاقيني معاك بإذن الله في أي حاجة تخص أمن موقعك أو نظامك هفحصه وأطلعلك تقرير واضح بالمشاكل اللي لقيتها وخطورة كل واحدة وإزاي تتصلح بدون كلام تقني معقد وبدون وعود مبالغ فيها لأن أكتر حاجة بتضايق العملاء إنهم يستلموا تقرير مش فاهمينه

فإيه رأيك نبدأ الشغل سوا؟ ابعتلي رسالة وأنا هحدد معاك المطلوب بوضوح قبل ما نبدأ