Abdelrahman A.

أنا عبدالرحمن، متخصص في تحليل البيانات بخلفية هندسة اتصالات والكترونيات، ومعايا خبرة أكتر من ٤ سنين بعد التخرج في تحليل البيانات، غير السنين اللي اشتغلت فيها على مشاريع وأنا في الكلية.

بحب جدًا مجال تحليل البيانات لأنه بيجمع بين الأرقام والمنطق، وبيديني فرصة أحوّل الداتا الخام لمعلومة مفيدة وواضحة تساعد أي حد ياخد قرار صح.

بساعدك في تحويل ملفاتك وأرقامك إلى تقارير ولوحات تفاعلية سهلة الفهم تساعدك في اتخاذ قرارات أفضل.

عندي خبرة في تنظيف وترتيب البيانات، واستخراج المؤشرات المهمة (KPIs)، وتصميم داشبورد احترافية توضح الأداء بشكل واضح وجذاب.

اشتغلت كتير على ملفات Excel معقدة، دمجت بيانات من مصادر مختلفة، عملت تقارير تحليلية فيها مؤشرات أداء (KPIs) ورسوم بيانية بتوضح النتائج بشكل بسيط وسهل الفهم.

كمان عندي خبرة في Power BI بعمل بيها لوحات تحكم تفاعلية (Dashboards) بتعرض أهم مؤشرات المشروع أو الشركة في شكل احترافي وسهل التتبع.

المهارات اللي بشتغل بيها في تحليل البيانات:

تنظيف وترتيب البيانات (Data Cleaning & Transformation).

تحليل الاتجاهات والمقارنات (Trend & Comparative Analysis).

تصميم تقارير ولوحات معلومات تفاعلية.

حساب مؤشرات الأداء الرئيسية (KPIs).

استخدام الصيغ والدوال المتقدمة في Excel.

كتابة Measures وDAX في Power BI.

ببسط النتائج وبشرحها بشكل مفهوم وواضح لأي مستخدم.

بشتغل دايمًا على التفاصيل الصغيرة اللي بتفرق في شكل الشغل النهائي، وبحب أوصل المعلومة بأبسط شكل ممكن.

مهتم جدًا إن العميل يستلم شغله في المعاد وبأفضل جودة ممكنة، ودايمًا متاح للتعديلات والمناقشة علشان نوصل لأفضل نتيجة.

بقدملك عرض خاص لأول شغلانة ليك معايا:

خصم مميز أو خدمة إضافية مجانية على أول طلب معايا، علشان تبدأ تجربة احترافية ومضمونة بأفضل قيمة ممكنة.

لو عندك بيانات محتاجة تحليل، أو Dashboard توضح أداء شغلك أو مشروعك، أو حتى تقرير محترم تقدر تقدمه في شغلك، يبقى انت في المكان الصح.

لو عندك ملفات Excel كبيرة أو محتاجة تنظيم وتحليل، هقدر أقدملك حل بسيط وعملي يوفر وقتك ويخليك تركز على شغلك الأساسي.

هدفي إنك تستلم شغلك في أفضل صورة وبأعلى جودة، ودايمًا أكون عند حسن ظنك.

يسعدني أتعامل معك وأحول بياناتك لمعلومة حقيقية تقدر تعتمد عليها، ونستمر مع بعض دايمًا إن شاء الله