Rfm analysis and Customer lifetime value

إزاي تصنف عملائك وتحقق أقصى استفادة منهم باستخدام تكنيك زي RFM analysis؟

في عالم التسويق، أكتر حاجة بتفرق هي إنك تفهم عملاءك كويس، وتعرف مين اللي بيشتري منك باستمرار، ومين اللي اختفى، ومين اللي بيصرف عندك كتير. هنا بييجي دور تكنيك زي RFM اللي بيساعدك تقسم عملائك بشكل دقيق وتفهم احتياجات كل فئة.

في نموذج عملي باستخدام Power BI.استخدمت RFM analysis على بيانات حوالي 18 ألف عميل، وإجمالي مبيعاتهم وصل لـ 29.36 مليون جنيه. قسمت العملاء لفئات مختلفة بناءً على درجاتهم، وده خلانا نفهم مين اللي محتاجين نركز عليه أكتر.

العملاء المهمين (Champions): دول العملاء اللي بيشتروا كتير وبيصرفوا مبالغ كبيرة. دول أفضل عملائك، وحققوا حوالي 8.3 مليون جنيه من المبيعات. لازم تديهم اهتمام خاص عشان ولائهم وقيمتهم العالية.

العملاء المخلصين (Loyal): دول العملاء اللي بيشتروا بشكل منتظم ومخلصين لمنتجاتك. حققوا حوالي 6.2 مليون جنيه من المبيعات. لازم تعزز علاقتك بيهم علشان يفضلوا مستمرين في الشراء.

العملاء الجدد (New Customers): عندك حوالي 3.2 ألف عميل جديد بيمثلوا 17.52% من إجمالي العملاء. دول فرصة كبيرة لزيادة المبيعات من خلال برامج الولاء والعروض الترويجية.

العملاء المحتملين (Promising): دول العملاء اللي مهتمين بمنتجاتك بس لسه موصلوش لمرحلة العملاء المخلصين. حققوا 2.9 مليون جنيه من المبيعات. ممكن تشجعهم بعروض خاصة علشان تجذبهم أكتر.

العملاء المعرضين للخطر (At Risk): حوالي 9.98% من العملاء بيعتبروا معرضين للخطر، وحققوا 7.3 مليون جنيه من المبيعات. كانوا نشيطين في السابق، بس بدأوا يبتعدوا. مهم تحاول تسترجعهم بحملات تسويقية موجهة.

كمان في نموذج عملي لمشروع بيركز على CLV باستخدام Power BI. المشروع ده بيدي نظرة شاملة على القيمة العمرية للعميل من خلال مؤشرات الأداء الرئيسية زي متوسط قيمة الشراء (AVP)، ومتوسط عدد مرات الشراء (APF)، ومتوسط العمر الافتراضي للعميل (ACL)،ومتوسط الإيرادات لكل مستخدم(ARPU).

كمان المشروع بيعرض تحليلات بصرية زي CLV حسب الشهر ونسبة churn، وده بيساعد الشركات في تحسين استراتيجيات الاحتفاظ بالعملاء .

CLV حسب الشهر: ده بيوريك إزاي CLV بيتغير من شهر للتاني. تقدر تلاحظ أن CLV بيزيد بشكل تدريجي، وده مؤشر كويس.

Churn Rate حسب الشهر: ده مقياس لنسبة العملاء اللي بطّلوا يتعاملوا معاك. بنشوف هنا أن النسبة دي بتقل تدريجياً مع الوقت، وده معناه إن العملاء بيبقوا أكتر ولاءً.

ARPU حسب الشهر: ده بيبين إزاي متوسط الإيرادات لكل مستخدم بيتغير على مدار السنة. نلاحظ إن ARPU بيزيد في آخر السنة.

فهم CLV هو مفتاح استراتيجيتك لزيادة الأرباح وتحسين علاقتك بعملائك. لما تقدر تحدد العملاء اللي لهم قيمة طويلة الأمد، هتقدر تستثمر فيهم بشكل أفضل وتحقق

نتائج تسويقية أفضل. بالتالي، ده وسيلة فعالة لتحقيق نجاح طويل الأمد لشركتك.