Omar A.

مطور ووردبريس وووكومرس، خبرة 7 سنوات في بناء وتشغيل المواقع والمتاجر من أول إعداد السيرفر لحد ما بعد الإطلاق.

شغلي مش تركيب قوالب جاهزة. ببني قوالب وإضافات مخصصة ب PHP مباشرة، وويدجتس Elementor مخصصة تسحب من قاعدة البيانات ويعدّلها العميل بنفسه، وبنظّم المحتوى المتكرر ب Custom Post Types و ACF عشان صاحب الموقع يدير كل حاجة من لوحة التحكم من غير ما يرجع لمبرمج في كل تعديل.

تخصصي الأوضح: الأداء. بوصّل المواقع ل 95 إلى 100 على Google PageSpeed. آخر متجر اشتغلت عليه كان 35 وزمن تحميله فوق 6 ثواني، ووصلته 98 — عن طريق تأجيل وضغط ملفات CSS و JS، تحويل الصور ل WebP (خفّت أكتر من 40%)، استضافة الخطوط محليًا، واستبدال أيقونات الخطوط ب SVG. والسرعة عندي مش خطوة في الآخر، بتتحدد وإحنا بنختار بنية الموقع من أول يوم.

اللي بنفّذه:

• متاجر WooCommerce كاملة: منتجات متغيرة، بوابات دفع، شحن، ومخزون

• مواقع الشركات والعيادات بمحتوى منظم يديره العميل بنفسه

• مواقع عربية RTL وثنائية اللغة ب Polylang، بضبط اتجاه كامل مش ترجمة سطحية

• تسريع وإنقاذ المواقع البطيئة، وتشخيص سبب البطء قبل أي تعديل

• إعداد السيرفرات والاستضافة (nginx)، النقل بين الاستضافات، ونسخ Staging قبل أي تحديث على موقع شغال

من أعمالي: متجر Health House للمكملات الغذائية بعملات متعددة (الكويت)، موقع مركز نضارة للجلدية والتجميل، منصة أبواب بلس للدورات التدريبية، ومتجر توباي لملابس الحمل والرضاعة. الباقي في معرض أعمالي.

خبرتي التقنية كمان بتشمل JavaScript و TypeScript و Angular، وده بيخليني أتعامل مع أي ربط API أو واجهة مخصصة من غير ما أحتاج حد تاني.

بشتغل على نسخة تجريبية قبل أي تعديل على موقع شغال، وبسلّم الملكية كاملة باسمك: الدومين والاستضافة وكل بيانات الدخول.