Omar E.

بساعدك تبني موقع أو تطبيق ويب مناسب لطريقة شغلك ويقدر يتطور معاك. بشتغل Full-stack Software Engineer، وبمسك المشروع من تصميم تجربة الاستخدام لحد البرمجة والتشغيل.

بنفّذ تطبيقات ويب مخصصة بمختلف أنواعها، من الواجهات والBackend لقواعد البيانات. سواء بتبدأ مشروع جديد أو بتطوّر نظام موجود، أقدر أبني الوظائف اللي محتاجها وأربطه بخدمات خارجية عن طريق APIs، وأدمج AI لما يخدم المشروع. ببني أنظمة تتابع منها شغلك وتحدد صلاحيات فريقك، ومنصات تقدر شركات مختلفة تستخدمها، كل شركة بحساباتها وبياناتها الخاصة.

وبطوّر مواقع ومتاجر Shopify وWordPress بتصميم يناسب هوية البراند، وببرمج خصائص مخصصة للمتجر، زي أقسام العروض والبانرات المتحركة. من أعمالي Saai Apparel وH&H Egypt، مع الاهتمام بسرعة التصفح وشكل الموقع على الموبايل.

حاليًا Software Engineer في noon، والمهندس الأساسي لتطبيق بيستخدمه البائعين لتجهيز شحناتهم وإرسال المخزون للمستودعات. بشتغل على تجربة البائع من اختيار المنتجات وتعبئتها لجدولة الاستلام وطباعة الملصقات، بالعربي والإنجليزي. دوري بيشمل تحديد المتطلبات وتصميم تجربة الاستخدام وتطوير البرنامج ومتابعة تشغيله.

وفي Udin، بنيت منصة الشات بوت المدمجة في تطبيق Bokra من البداية للنهاية، بالواجهة والBackend وقاعدة معرفة بيرد منها على أسئلة المستخدمين. وقبلها اشتغلت في eSpace على منصة لمطابقة السير الذاتية، ومع B-Mark على مواقع ومتاجر إلكترونية.

بنتفق على نطاق ومراحل تسليم واضحة، وبسلّمك كود منظم يقدر مطوّر تاني يكمل عليه.

ابعتلي فكرة مشروعك أو رابط النظام الحالي، وإيه اللي محتاج توصله.