Nadia I.

السلام عليكم، حابه أقدّم نفسي بصفتي مصممة جرافيك متخصصة في تصميمات السوشيال ميديا، ومتفهمة جدًا قد إيه الشغل ده محتاج شغف وصبر وذوق بصري، خصوصًا وسط المنافسة الشديدة على السوشيال.

أنا اشتغلت مع عدد كبير من البراندات وأصحاب البيزنس، منهم اللي كان بيبدأ من الصفر وبيحتاج هوية بصرية كاملة، ومنهم اللي كان عايز يطور شكله ويكون عنده محتوى جذاب ويعبر عنه صح.

ليه أثق في نفسي؟ لأني اشتغلت فعلًا مع أنواع مختلفة من العملاء، وكنت دايمًا مهتمة أفهم كل مشروع قبل ما أبدأ تصميم، عشان أطلع حاجة تشبهه وتوصل صوته لجمهوره.

درست التصميم وتعلمت برامج الأدوبي (فوتوشوب، إلليستريتور، إنديزاين) واشتغلت Freelance على حملات فعلية اتنفذت واتعرضت، سواء على إنستجرام، فيسبوك أو غيرهم.

بدأت ك شغف، وبقيت دلوقتي شايفة تأثير التصميم على مبيعات البراندات، وده اللي بيخليني أطور نفسي كل يوم وأتابع التريندات والتحديثات اللي تهم أي براند عايز يظهر بصريًا بشكل محترف.

لو عندك مشروع وبتدور على حد يفهم رؤيتك قبل ما يصمملك، فأنا هنا أساعدك، ونبدأ الرحلة مع بعض بإذن الله .