منه م.

أنا منة محمد، مصممة جرافيك بشوف التصميم أكتر من مجرد شغل… بشوفه طريقة للتعبير، ولخلق حاجة ليها معنى وتفضل في الذاكرة.

اتخرجت من كلية الفنون الجميلة – قسم التصوير، واتعلمت إزاي أدمج بين الفن والإحساس بالتفاصيل. ومن خلال منحة "مبادرة مصر الرقمية" اتعمقت أكتر في عالم تصميم الجرافيك وتخصصت في تصميم الشعارات والهويات البصرية.

من أول مشروع اشتغلت عليه، اكتشفت قد إيه بحب أبني شكل وهوية كاملة تعبر عن فكرة أو مشروع أو حلم.

اشتغلت على مشاريع كتير بشكل مستقل: من براندينج، وحملات دعائية، لابتكار أفكار لتغليف المنتجات… وكل تجربة منهم علمتني إزاي أطلع أفضل ما عندي في كل تفصيلة.

بستخدم برامج زي Adobe Illustrator وPhotoshop و indesign لكن اللي بيميز شغلي مش الأدوات، إنما الدمج بين الحس الفني اللي طالع من حبي للرسم والتلوين، وبين الفهم البصري اللي اكتسبته من الدراسة والتجربة.