Salma S.

أنا خريجة كلية فنون جميلة وعندي 23 سنة. بدرس حالياً أنيميشن وموشن جرافيك لأن عندي شغف كبير بالسرد البصري وتحويل الأفكار والمشاعر لحركة وصورة. بالنسبة لي الفن مش مجرد شكل بصري، هو طريقة للتعبير وفهم العالم حواليَّ.

اهتمامي بالتصوير الفوتوغرافي أثّر على أسلوبي بشكل كبير، لأن من خلاله بتعلّم أشوف التفاصيل الصغيرة، الإضاءة، الكومبوزيشن، والمشاعر اللي ممكن لقطة واحدة تنقلها من غير كلام. بحاول دايماً أنقل نفس الحس في شغلي في الموشن جرافيك والأنيميشن.

بسعى حالياً لتطوير أسلوبي الخاص في الشغل، والدمج بين الفن والتقنية عشان أخلق أعمال بصرية لها هوية وروح. نفسي في المستقبل أشتغل على مشاريع فيها storytelling قوي، سواء في الإعلانات أو ال2D Character Animation أو الExplainer Videos، وكمان عندي اهتمام بالعمل في فرق إبداعية تساعدني أتطوّر أكتر وأتعلّم من التجارب والتنوع.

بحب المشاريع اللي فيها challenge ومساحة للتجريب ومش دايماً بتمشي على الطريق التقليدي. وبشوف إن الإبداع رحلة مستمرة مش نقطة وصول..