Nermin D.

هلا وسهلا، معاكِ الباشمهندسة نرمين

مهندسة بيانات بخبرة أكتر من سنتين في مجال هندسة البيانات وتحليلها، اشتغلت خلالهم على مشاريع حقيقية تهدف لتحويل البيانات الخام والمعقدة إلى بيانات منظمة وواضحة تساعد أصحاب القرار يفهموا الصورة كاملة وياخدوا قرارات أدق وأسرع.

عندي خبرة قوية في تصميم وبناء Data Pipelines وعمليات ETL، والتعامل مع مصادر بيانات مختلفة سواء قواعد بيانات أو ملفات، وتجميعها وتنظيفها وتحويلها لبيانات جاهزة للتحليل. بشتغل بشكل أساسي باستخدام Python وSQL، وباهتم جدًا بجودة البيانات وتنظيمها وتقليل الأخطاء اللي ممكن تأثر على النتائج النهائية.

بالإضافة إلى خبرتي في هندسة البيانات، عندي خبرة في تطوير أنظمة ال Backend وبناء APIs تساعد في ربط البيانات بالتطبيقات المختلفة وتسهيل الوصول إليها بشكل آمن وفعّال. كما أمتلك خبرة في تقنيات ال Cloud خصوصًا Amazon Web Services (AWS)، واللي بستخدمها في بناء بنية تحتية قابلة للتوسع لمعالجة البيانات وتخزينها بكفاءة.

كمان عندي معرفة جيدة بممارسات ال DevOps وأتمتة عمليات النشر والتشغيل، مما يساعد على تحسين دورة تطوير المشاريع وضمان استقرار الأنظمة وسهولة إدارتها.

شاركت في تنفيذ مشاريع مرتبطة بوزارة الاتصالات وتكنولوجيا المعلومات ضمن منحة رواد مصر الرقمية، وده اداني خبرة عملية قوية في الشغل على مشاريع على مستوى مؤسسي، والالتزام بمعايير وجودة عالية في التنفيذ، والتعامل مع سيناريوهات حقيقية قريبة جدًا من سوق العمل.

بتميّز في أتمتة العمليات الخاصة بمعالجة البيانات، وده بيساعد على توفير وقت ومجهود كبير ورفع كفاءة الأداء، خصوصًا في المشاريع اللي بتعتمد على بيانات كبيرة أو متكررة التحديث. دايمًا بحرص إن الحلول اللي بقدّمها تكون عملية، مرنة، وقابلة للتوسع حسب احتياجات المشروع.

على المستوى الشخصي، بحب الشغل المنظم والتواصل الواضح مع العميل من أول خطوة لحد تسليم المشروع. بهتم جدًا أفهم الهدف النهائي من البيانات قبل ما أبدأ التنفيذ، وبلتزم بالمواعيد، وبحب أسيب أثر كويس من خلال شغل نظيف ونتائج واضحة.

وفي النهاية، يشرفني جدًا أقدّم لك استشارة مجانية نراجع فيها فكرتك أو مشروعك، ونحدد مع بعض أفضل حل يناسبك ويحقق لك أقصى استفادة من بياناتك.