Mostafa S.

أنا شخص بيحب الشغل الإبداعي، وبعشق التفاصيل الصغيرة اللي بتفرق في كل حاجة. محرر فيديو، بس مش مجرد مونتير… لأ، أنا بحكي حكايات!

بكتب السيناريو، بسينس اللحظة، وبسجل صوتي، وبمنتجه كله على برامج أدوبي زي Premiere وPhotoshop وغيرها، علشان أطلع شغل متكامل يلمس الناس ويوصل الرسالة.

المهارات:

_ كتابة سيناريوهات جذابة ومناسبة لكل أنواع المحتوى (بودكاست – سوشيال ميديا – يوتيوب...)

_ تسجيل صوتي نقي بأسلوب طبيعي وجذاب، يوصل الإحساس من أول كلمة

_ مونتاج احترافي باستخدام:

Adobe Premiere Pro

Adobe Photoshop

Adobe After effects

_ إضافة تأثيرات بصرية وانتقالات سلسلة

_ ضبط الألوان والصوت وال pacing علشان المحتوى يبقى لايق واحترافي

الحِتة اللي بتميّزني:

بشتغل من القلب، وبشوف كل مشروع كأنه بتاعي شخصيًا، مش بس طلب من عميل. بحب أقدّم حلول، مش بس أنفذ تعليمات.

تنويه مهم:

متحكمش على شغلي من معرض الأعمال، لأنه للأسف مش بيدعم رفع فيديوهات كويس…

بس تقدر تطلب أي عينة، وأنا هبعتلك حاجة tailored ليك حسب نوع المحتوى اللي محتاجه، ووقتها بس هتعرف الفرق.

لو محتاج حد يفهم الفكرة قبل ما تنطقها، ويحس بيها ويحولها لحكاية مصورة…

يبقى خلّي أول مشروعنا سوا هو البداية، مش النهاية