Hayam K.

أنا هيام كرم، Front-End Developer وطالبة Computer Science ، بحب تصميم وتطوير واجهات مواقع الويب وتحويل الأفكار والتصميمات لصفحات حقيقية، شكلها مميز وسهلة الاستخدام.

لو عندك فكرة لموقع ومش عارف تنفذها، أو بتواجه مشاكل في موقعك، أقدر أساعدك في حلها، زي:

موقعك مش متظبط على الموبايل؟ هستخدم Responsive Design وTailwind CSS عشان الموقع يظهر بشكل مناسب على الموبايل والتابلت والكمبيوتر.

عندك تصميم وعايز تحوله لموقع حقيقي؟ هحوّله لصفحات ويب باستخدام HTML وCSS، مع الاهتمام بالتفاصيل عشان النتيجة تكون قريبة من التصميم الأصلي.

محتاج تضيف تفاعلات للموقع؟ هستخدم JavaScript لإضافة وظائف زي البحث والفلترة والتحقق من البيانات.

عايز تحتفظ ببيانات المستخدم؟ هستخدم Local Storage لحفظ بيانات زي المفضلة وسلة التسوق داخل المتصفح.

عندك مشاكل في تنسيق الصفحات؟ هراجع الكود وأصلح مشاكل العرض عشان العناصر تظهر بشكل منظم ومتناسق.

درست Front-End Development في أكاديمية، وطبقت اللي اتعلمته من خلال تنفيذ أكتر من 15 تاسك ، بالإضافة إلى4 مشاريع Front-End طبقت فيهم مهاراتي بشكل عملي.

كمان درست Full Stack Development باستخدام PHP من خلال منحة NTI، ونفذت خلالها تاسكات عملية، بالإضافة إلى مشروع حاولت أطبق فيه مهارات ال Front-End وال Back-End مع بعض، عشان أفهم إزاي أجزاء الموقع بتتكامل مع بعضها.

بهتم إني أكتب كود منظم وسهل التعديل، وأتأكد إن الوظائف المطلوبة شغالة بشكل صحيح، مع الالتزام بالمواعيد المتفق عليها والتواصل مع العميل لفهم احتياجاته وتنفيذ التعديلات المطلوبة.

لو عندك فكرة أو تصميم وعايز تحوّله لموقع ويب، يسعدني أساعدك في تنفيذه بالشكل اللي يناسب احتياجاتك.