Wafiqah M.
نبذة عني
لو عندك فكرة مش عارفة تطلعها للنور، أو محتوى مش قادر توصّله بالشكل اللي في خيالك...
فأنا هنا علشان أخليه حقيقي ... وأجمله كمان.
أنا مش مجرد محررة فيديو...
أنا الشخص اللي بيشوف حلمك زي ما انت شايفه،
وبيحول خيالك لصورة، وإحساسك لصوت، وأفكارك لفيديو يعيش ويتشاف ويتحب.
أنا حنان مصطفى، صانعة فيديوهات من نوع خاص...
مش بمنتج وخلاص، أنا ببني مشهد، بصنع قصة، وبوصّل إحساس.
ومش بس كده…
أنا كمان محترفة في الفويس أوفر ️
بعرف أختار نغمة الصوت المناسبة لكل فكرة،
وأحوّل الكلام الجامد لرسالة مسموعة تلمس القلب وتشد الانتباه من أول ثانية.
سواء كان صوت دافي لقصة أطفال، أو صوت إعلاني يشد الجمهور، أو أداء معبر لمحتوى احترافي…
أنا بعرف إزاي أوصل إحساسك “بصوتك” حتى لو إنت مش قدام المايك.
سواء كنت عايز فيديو يوصل فكرتك في ثواني،
أو بتحلم بفيديو قصصي للأطفال يبهج قلوبهم،
أو محتاج ريل جذاب ينور البروفايل بتاعك،
أو عندك سلعة، وعايز تعلن عنها بشكل إحترافي فني جذاب…
أنا موجودة علشانك هأساعدك تحكي حكايتك بصوت وصورة وموسيقى ومشاعر.
أنا مؤمنة إن كل فيديو ناجح بيبدأ بشعور حقيقي،
علشان كده كل مشروع باشتغل عليه، باعتبره رسالتي للعالم.
أنا مش بقدّم مونتاج... أنا بقدّم تجربة،
ما بين الجودة، والإبداع، والالتزام، والاهتمام بكل تفصيلة مهما كانت بسيطة.
لو نفسك تشوف أفكارك بتتحول لمحتوى بصري ينبض بالحياة...
فده معايا أنا، وهتعرف إنك لقيت الشخص اللي شايف الصورة زي ما انت شايفها، ويمكن أوضح كمان.
أنا هنا علشان أقدّم لك فيديو تقول عليه:
هو ده... ده اللي كنت بدوّر عليه من زمان.
مهاراتي
التقييمات
5.0
5.0
5.0
5.0
5.0
5.0
