باسم س.

أنا باسم، مطور ويب دماغي شغالة في تحويل الأفكار لواقع ملموس على الإنترنت! بخبرة عمل مع عملاء دوليين من تركيا والمملكة العربية السعودية .

خبراتي:

ربط بوابات الدفع:

سواء ربط بوابة الدفع بمتجرك الالكتروني لاستقبال المدفوعات/ اتمتة عمليات المدفوعات لمعالجتها إلى برامج المحاسبة السحابية/ تكامل بوابات الدفع بامان سواء كان متجرك ووردبريس او رياكت او سلة/زد/ وغيرهم

بناء الواجهات الأمامية:

مش مجرد HTML و CSS و JavaScript، أنا بخلي الصفحات تتنفس وتتفاعل مع المستخدم على كل الأجهزة (موبايل، تابلت، كمبيوتر).

بعرف أتعامل مع أحدث التقنيات زي React و Next.js و Tailwind CSS عشان أعمل تطبيقات ويب سريعة وقوية.

التعاون مع ال Backend:

مش بشتغل لوحدي، أنا بفهم ال Backend كويس وبتعاون مع المطورين عشان نطلع منتج متكامل.

تطبيقات ويب سريعة:

مش بحب البطء، أنا بخلي التطبيقات تشتغل بسرعة البرق.

اللي بقدر أقدمهولك:

تصميمات تتحول لصفحات: لو عندك تصميم جاهز، هحولهولك لصفحات ويب حقيقية.

تطبيقات ويب قوية: تطبيقات مش بتقف، بتشتغل بكفاءة عالية.

كود نضيف: الكود بتاعي نضيف ومترتب، عشان أي مطور يقدر يفهمه ويشتغل عليه.

ليه تختارني؟

الاتقان: "إن الله يحب إذا عمل أحدكم عملاً أن يتقنه." ده مبدأي.

الشغف: أنا بحب اللي بعمله اريد نجاحه بكل الطرق بعيدا عن المعاملات التجارية وعندي شغف لأن العمل يطلع احسن ما يمكن، وده بيخلي النتيجة أحسن.

الالتزام: التسليم في الميعاد المتفق عليه.

لو عندك مشروع أو فكرة، أنا جاهز أساعدك. ابعتلي رسالة ونتكلم.