السلام عليكم, انا عندي علم ان في ناس بتبقى عندها عرض و بيبقوا محتاجين باوربوينت او presentation كويسة و منسقة و تصميمها كويس. و كمان عندي علم ان في ناس بتبقى محتاجة شخص يبحث لكم و يكتب لكم ورقة بحثية سواء صغيرة ولا كبيرة. فأقدر اقول لكم اني عندي المهارات اللازمة للاتنين دول.
أنا عمرو وليد, فريلانسر مصري و عندي 17 سنة و عندي شغف كبير في التعلم و العمل ده و هقدر اقدملكم الشغل في اسرع وقت و هرد في اسرع وقت ممكن لأني فاضي أغلب الوقت. هتكلم عن المهارتين اللي عندي و اللي هم اني كويس في الPowerPoint و الResearch Writing:
1- من ناحية الPowerPoint فأنا في مدرسة STEM في مصر و فيها بنعمل عروض (presentations) كتير سواء قدام طلاب اخرين او قدام لجان. ده خلاني اتعلم PowerPoint و ابقى كويس فيه عشان عملت عروض كتير. ده خلاني عندي سنة من الخبرة في استخدام الPowerPoint و التصميم فيه.
2- من ناحية الكتابة البحثية (research writing), في المدرسة عندنا مشروع صغير بنعمله و المشروع ده المفروض نبحث فيه كتير و نكتب. ده خلاني اكتب كتير و اتعلم الكتابة البحثية (باللغة الانجليزية) اثناء عملي في مشروعين.
(بعض الأعمال لم يتم وضعها في معرض الاعمال نتيجة عدم موافقة العملاء السابقين لنشرها)
ان شاء الله اكون في حسن ظنكم و نشتغل مع بعض و اوعدكم بشغل عالي و في احسن صورة ان شاء الله لأن في الاول و في الاخر الله -سبحانه و تعالى- قال في القرآن الكريم : <<إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا>>.
