عبدالرحمن م.
نبذة عني
أهلا بيك عزيزي العميل
لو وصلت هنا، فغالبا عندك فكرة أو مشروع ومحتار تبدأ منين. تعالى نتكلم — أنا مستعد أسمع فكرتك وأديك رأيي واستشارة مجانية، حتى لو ما اتفقناش في الآخر.
مين أنا؟
مطوّر واجهات أمامية، ٣ سنين بشتغل على أنظمة إنتاجية بيستخدمها ناس حقيقية كل يوم — بمواعيد تسليم حقيقية وعملاء حقيقيين، مش مشاريع تدريب ولا قوالب جاهزة.
من الشغل اللي عدّى عليّ: منصة SaaS لإدارة المشاريع تخدم أكتر من مؤسسة في نفس الوقت — بمخططات Gantt، إدارة مهام، لوحات تقارير وتحليلات، ونظام صلاحيات وأدوار وسجلات تدقيق. ومتاجر إلكترونية ولوحات تحكم إدارية للسوق السعودي والليبي و الاماراتي، ونظام إدارة صيدليات، ومنصة حجز خدمات — مع ربط APIs خارجية.
الحاجة اللي بتفرق فعلا: الموقع بيتحرك
معظم المواقع بتشتغل صح وخلاص. بس اللي بيخلي الزائر يفضل يتصفّح — ويفتكر الموقع بعد ما يقفله — هو الإحساس وهو بيتحرك.
بشتغل ب GSAP و Framer Motion لحركات ناعمة ودقيقة: انتقالات بين الصفحات، عناصر بتتفاعل مع السكرول، وتفاصيل صغيرة بتدي الموقع روح. وب Three.js لعناصر ثلاثية الأبعاد تفاعلية لو مشروعك محتاج يبان مختلف عن المنافسين.
وكل ده من غير ما يأثر على السرعة — الأنيميشن اللي بيبطّئ الموقع بيضره مش بينفعه.
أنا مش مطوّر بيستلم جزء من المشروع ولا مجرد مطور واجهات أمامية وبس
المشروع بيوصل لك شغّال من أوله لآخره:
١. جلسة فهم للفكرة وتحديد المطلوب بدقة قبل أي كود
٢. تصميم واجهات وتجربة مستخدم كاملة (UI/UX)
٣. تطوير الواجهة ب React و Next.js — سريعة ومتجاوبة على كل الشاشات
٤. إضافة الأنيميشن والحركة اللي بتفرق في الانطباع الأول
٥. لوحة تحكم إدارية بأدوار وصلاحيات وتقارير
٦. الربط مع ال APIs وبوابات الدفع
٧. رفع المشروع وتجهيز الاستضافة — مش هتشيل هم التفاصيل التقنية دي
٨. اختبار كل جزء قبل التسليم، وشرح للنظام بعد ما يوصلك
الشغل بيتكلم عن نفسه
نزّل بصرك على معرض أعمالي في البروفايل — المشاريع قدامك، تحكم بنفسك على المستوى قبل ما تقرر أي حاجة.
وإذا حابب، أعملك نموذج مصغّر من فكرتك قبل ما نتفق، تشوف طريقة شغلي بعينك.
بشتغل ب: React، Next.js، TypeScript، Redux Toolkit، Tailwind، React Native، GSAP، Framer Motion، Three.js.
برد في أقل من ساعة، وبلتزم بالمواعيد. ولو مشروعك مش من تخصصي، هقولك من أول رسالة بدل ما أضيّع وقتك.
ابعتلي فكرتك دلوقتي — وخلينا نبدأ
