تعديل هوية بصرية وتصميم تمبلتات سوشيال ميديا

إحنا عندنا صفحة فيسبوك شغالة لأكاديمية بتعلّم اللغة اليابانية بطريقة ممتعة وتفاعلية، وعايزين مصمم/مصممة جرافيك شاطر/ة يعمل تعديل الهوية البصريةمن غير ما نغيّر اللوجو ، وكمان يصمملنا تمبلتات ومحتوى بصري ثابت ومتحرك للصفحة فيسبوك انستجرام تيكتوك يوتيوب وقناة واتساب .

المطلوب:

تعديل على الهوية البصرية الحالية:

• اللوجو مش هيتغير، بس محتاجين له حلول بصرية مختلفة (نسخ متنوعة، تطبيقات مرنة)

• لألوان الأساسية: أحمر، أسود، أبيض، سماوي

• نموذج بوست بنسختين: واحدة Positive والتانية Negative

• نسخة بلونين بس

• باترن يعبر عن شخصية البراند

• موكاب يورّي شكل الهوية بشكل جذاب

تصميمات لمحتوى السوشيال ميديا التركيز على فيسبوك:

• كفر احترافي للصفحة

• صورة بروفايل مناسبة مع اللوجو

• تمبلتات موحدة للبوستات والاستوري (ثابتة ومتحركة)

• فيديوهات قصيرة باستخدام Canva أو أي أداة مشابهة

• التصميمات هتكون جاهزة للجدولة، ولو بتقدّم خدمة إدارة صفحات ممكن نتكلم في ده كمان بعدين

نوعية البوستات اللي هنشتغل عليها:

• محتوى تعليمي وتفاعلي عن اللغة والثقافة اليابانية، زي:

• "إزاي تقول كذا بالياباني؟"

• أسماء حاجات يومية

• مواقف وحكايات

• يوميات مصري في اليابان

• مسابقات ومعلومات خفيفة

ملاحظات مهمة:

• نحب نسمع أي اقتراحات أو أفكار منك لتطوير الهوية أو المحتوى

• الملفات مفتوحة Canva أو PSD

في البداية، هيكون في شهر تجربة ك Freelancerعلشان نختبر أسلوب الشغل، سرعة التسليم، وجودة التصميمات والتزامك بالمواعيد. خلال الشهر ده، هنشتغل على عدد محدد من التصميمات والفيديوهات المتفق عليها.

بعد شهر التجربة، في حالة التوافق والرضا من الطرفين، هيكون في تعاون دائم شهري إن شاء الله، يشمل:

• تصميم عدد ثابت من البوستات الشهرية ثابتة ومتحركة

• تصميم عدد من الاستوري

• تصميم فيديوهات قصيرة باستخدام Canva أو أدوات مشابهة

• كل التصميمات هتكون متوافقة مع الهوية البصرية المعدّلة

• الملفات تكون قابلة للتعديل والجدولة

مطلوب منك:

• عرض أسعار الباقات الشهرية حسب عدد التصميمات بوستات + استوري + فيديوهات

• توضيح إذا كنت بتقدّم باقات تشمل إدارة الصفحة أو الجدولة كخدمة إضافية

• تحديد مدة التسليم لكل باقة

• تحديد اذا كنت قادر على تصميم كتب دراسية للاطفال والكبار

•مواعيد للمتابعة واتمكانية لرفع تقرير جوجل شيت بالاعمال الى تمت فى مواعيدها وتفاصيلها

الباقات تبدا من سعر 500 -1000 وقابلة للزيادة مع العمل الدائم

دا لنك الصفحة :

https://www.facebook.com/...