تحريك كركتر أنيميشن 2D

السلام عليكم، يعطيكوا العافية.

في عندي قناة على اليوتيوب، بدي أعمل إلها محتوى ريلز، ففي كركتر كرتوني عندي بدي أحرّكه، هي ضفت صورة الكركتر.

حركات معظمها والكركتر بيجري، وحيكون الخلفية فيديوهات أنا مصوّرها يعني حيتركب الرسم الكرتون عخلفية فيديو حقيقي.

معظم الفيديوهات حيكون مدة حركة الكركتر كلها عبعضها بمتوسط ١٥ ثانية. لإنه في شوتات حيكون موجود الكركتر فيها وشتات مش موجود، فمثلاً لو مدة الفيديو ٣٠ ثانية ممكن التحريك اللي يلزم للكركتر ١٢ ثانية، طبعاً تحريك بس للكركتر بدون خلفية زي ما قلت.

يعني اللي حطلبه من الشخص تحريك الكركتر بس، طبعاً مع شو ممكن يكون معاه مرفقات، زي إشي شايله ولا حاجة زي هيك، الفكرة إنه الخلفية مش عليه.

التحريك اللي بدي إياه فريم باي فريم.

ممكن أشتغل معاك جوب واحد أو تشتغل معي باستمرار، إذا شغلك مناسب بنتفق نستمر في الشغل.

قدملي عروض شغلك السابق أشوفه، وقلي قديش السعر لو بدك تشتغل جوب واحد وقديش لو عشر فيديوهات بمتوسط تحريك ١٦ ثانية للكركتر لكل فيديو.

مع العلم إنه التحريكات حتكون بعد الفيديو الثاني سهلة لإنه الكركتر سهل والتحريك كله قريب من بعضه. الكركتر وهو بيجري وهيك.

وضح بعرضك حجم العمل الذي يمكنك تقديمه مقابل قيمة العرض