سحب بيانات 1,848 موبايل من موقع جوميا مصر إلى Excel باستخدام Python

سحبت بيانات كل الموبايلات المعروضة على موقع جوميا مصر: 1,848 موبايل من 47 صفحة، وحفظتها في ملف Excel و CSV جاهز للمقارنة والتحليل.

البيانات اللي اتجمعت لكل موبايل:

- الاسم والماركة والقسم.

- السعر الحالي والسعر قبل الخصم ونسبة الخصم.

- التقييم وعدد المراجعات.

- هل البائع متجر رسمي، وهل المنتج عليه توصيل سريع.

- رابط المنتج ورابط الصورة وتاريخ ووقت السحب.

طريقة الشغل:

- بقرأ البيانات من الـ JSON الموجود جوه الصفحة بدل ما أقرأ شكل الصفحة، فالنتيجة أدق ومش بتبوظ لو تصميم الموقع اتغير.

- كل صفحة بتتعاد لحد 3 مرات لو حصل مشكلة في الاتصال، وأي صفحة تفشل بتتسجل من غير ما الشغل يقف.

- التزمت بقواعد الموقع (robots.txt): سرعة طلبات أقل بكتير من المسموح، وصفحات عامة بس، ومن غير أي بيانات شخصية.

المشروع ده أول جزء من متتبع أسعار الموبايلات في مصر، والخطوة الجاية إضافة نون و B.TECH ومقارنة الأسعار بين المواقع يوميًا.