POS System

النظام مخصص لإدارة العمل اليومي لمحل صغير في لبنان. فيه صفحة دخول لمستخدم واحد (صاحب المحل)، وكل الصفحات التانية بتحوّل لصفحة الدخول إذا ما كانت الجلسة مفعّلة. صفحة المنتجات بتدير المخزون: الاسم والسعر والوحدة والكمية المتوفرة وهامش الربح لكل صنف، مع صور للمنتجات، وإمكانية ربط أكثر من باركود بالمنتج الواحد، وطباعة ستيكرات وملصقات للرفوف. صفحة المبيعات هي شاشة الكاشير: بتضيف الأصناف بمسح الباركود أو يدوياً، وكل عملية بيع بتنحفظ كفاتورة مع تفاصيل أصنافها والربح منها، وبتنقص الكمية من المخزون تلقائياً. وبتقدر تعدّل المبيعات أو تحذفها أو تصدّرها PDF. وفي طابور مسح (scan queue) وواجهة API للموبايل بتخلي الهاتف يشتغل كقارئ باركود وبيبعت الأصناف الممسوحة لصفحة المبيعات على الكمبيوتر بشكل فوري، وبتتيح كمان عرض المنتجات وعدد مبيعات اليوم ومجموعها. وفي كمان إمكانية إرسال أمر لطابعة الإيصالات عبر الشبكة لفتح درج الكاش.

قسم الديون بيتابع البيع بالآجل: لكل زبون سجل فيه رقم هاتفه، والدين بيخزّن أصنافه، وصاحب المحل بيقدر يسجّل دفعات كاملة أو جزئية، أو يسدّد ديون محددة أو كل الديون دفعة وحدة، أو ينقل دين من زبون لزبون تاني، ويشوف سجل دفعات كل زبون، ويصدّر كشف الحساب PDF. صفحة المصاريف بتسجّل مصاريف المحل وبتوضّح تأثيرها على الكاش والربح الصافي مع رسم بياني. صفحة التلف بتسجّل البضاعة التالفة أو المنتهية الصلاحية، وبتنقصها من المخزون وبتحسبها كخسارة. أما لوحة التقارير فبتعرض المبيعات اليومية ومجموع الأرباح لأي شهر وسنة بمخطط بياني، وفي كمان تقرير المبيعات اليومية. كل المبالغ مخزّنة بالليرة اللبنانية، وفي سعر صرف قابل للتعديل بيحوّلها للدولار للعرض فقط. وتوليد ملفات PDF بيتم عبر مكتبتَي mPDF وtFPDF مع خطوط بتدعم العربي.

الجداول الأساسية بقاعدة البيانات: products وproduct_barcodes وsales وsale_items وdebts وdebt_items وdebt_payments وcustomers وexpenses وexpense_items وdamages وdamage_items وinvoices وscan_queue.