محلل بيانات Python | Microsoft Certified AI-900 | تنظيف بيانات وأتمتة

تحليل البيانات وتحويلها إلى قرارات. أستلم بياناتك Excel أو CSV أو تصدير من نظامك وأرجعلك تحليل واضح يجاوب على أسئلة حقيقية: وين بتروح أرباحك؟ أي منتج أو فرع أو عميل بيخسّرك؟ شو الفترات اللي بتنزل فيها المبيعات وليش؟

كتير شركات عندها الجواب مدفون بين آلاف الصفوف، بس ما حدا فتح البيانات وسألها الأسئلة الصح.

المميزات

بتشوف الصورة كاملة: مقارنة بين المنتجات والفروع والفترات، مش أرقام مبعثرة

بنكشف المشاكل المخفية: أخطاء تسعير، تكاليف زايدة، عملاء بيكلفوا أكتر مما بيدخّلوا، مخزون راكد

تقرير بلغة مفهومة، مش مصطلحات تقنية - كل رسم بياني تحته سطر بيشرح شو يعني عمليًا

كل خطوة موثقة وقابلة للمراجعة، وبتقدر تعيد نفس التحليل الشهر الجاي بضغطة زر

بياناتك بأمان: لا تُشارك مع أي طرف، وتُحذف بعد التسليم

طريقة التنفيذ

١. نتكلم عن سؤالك تحديدًا - شو بدك تعرف من بياناتك؟

٢. بتبعتلي البيانات بأي شكل موجودة، ما بدها ترتيب مسبق

٣. تنظيف ومعالجة: توحيد الصيغ، إزالة التكرار، وعزل أي صف فيه مشكلة مع بيان السبب

٤. التحليل: بحث عن الأنماط والانحرافات والعلاقات بين الأرقام

٥. تسليم تقرير فيه الرسوم البيانية والنتائج والملاحظات، مع الملف النظيف والكود

أتمتة سير العمل

إذا في مهام بتعيدها كل شهر نفس التقرير، نفس تجميع الملفات، نفس نقل البيانات بين برنامج وبرنامج بقدر أبنيلك نظام يشتغل لحاله

بربط أدواتك ببعض جداول البيانات، البريد الإلكتروني، ملفات الشركةوبصير الشغل يتنفذ تلقائيًا بجدول محدد أو عند حدث معيّن. تقرير أسبوعي بيوصلك على الإيميل بدون ما تطلبه بيانات بتنتقل بين نظامين بدون إدخال يدوي تنبيه بيجيك لما رقم يتخطى حد معيّن.

النتيجة ساعات شهرية بترجعلك وأخطاء الإدخال البشري بتختفي