Sales Performance Dashboard

مش مجرد رسومات وألوان.. الحكاية في الأرقام! ?

أنا الفترة اللي فاتت كنت شغال على مشروع Sales Performance Dashboard على Power BI ضمن منحه رواد مصر الرقميه DEPI، والهدف مكنش بس إني أطلع داشبورد شكلها حلو، لكن كنت عايز أشوف البيانات دي ممكن تقولنا إيه ونستفيد منها إزاي.

أنا بدأت الحكاية من الأساس:

Power Query:

دي كانت أول خطوه استخدمته عشان أنظف البيانات وأعمل لها Transformation بحيث تكون جاهزة للتحليل من غير أي مشاكل.

Data Modeling:

ظبطت الـ Model وربطت الجداول ببعضها (Star Schema) عشان الداشبورد تبقى سريعة ودقيقة في الفلترة.

DAX Queries:

كتبت كود DAX مخصص عشان أعمل جدول تاريخ (Calendar Table) بنفسي وده خلاني أحلل الوقت براحتي وأطلع نتائج دقيقة لكل شهر وربع سنة.

ولما بدأت "أنطّق" الأرقام، طلعت بشوية Insights تفرق جداً مع أي صاحب بيزنس:

بطل المبيعات:

لقيت إن الـ Accessories هي صاحبة أعلى عدد طلبات، لكن الـ Bikes هي اللي "شايلة" ميزانية الشركة (حوالي 106 مليون)، وده معناه إننا محتاجين استراتيجية بيع مختلفة لكل فئة.

تحليل الموسم:

عرفت إن شهر أبريل هو "الموسم" الحقيقي بتاعنا، وفيه طفرة مبيعات كبيرة حصلت في 2013 لازم ندرسها ونعرف إيه اللي عملناه صح وقتها عشان نكرره.

توفير التكاليف:

حتى الضرائب (Tax) لما حللتها، لقيت إن أغلبها مركز في فئة العجل، وده بيفتح باب للنقاش مع المحاسبين عن هوامش الربح وإزاي نحسنها.

أنا مقتنع إن شغلي كمحلل بيانات مش إني أرسم لوحات، لكن إني أفهم الأرقام وأقول للشركة: "امشوا في السكة دي عشان تكسبوا أكتر وتتجنبوا الخساير". الداشبورد في الآخر هي وسيلة، لكن القيمة الحقيقية هي في "القرار" اللي بيتاخد بناءً عليها.