لوحة ذكاء الأعمال لتحليل المبيعات

السلام عليكم ورحمة الله وبركاته

أنا عبدالله، محلل بيانات وبحب أشتغل على تحويل الداتا لمعلومات واضحة تساعد في اتخاذ القرار. حابب أشارك معاكم مشروع داشبورد لتحليل المبيعات معمول بطريقة منظمة وسهلة في القراءة.

الداشبورد مقسوم لكذا صفحة بحيث يديك رؤية كاملة عن البيزنس. الصفحة الأولى هي **Sales Overview** ودي بتدي نظرة عامة سريعة على الأداء زي إجمالي المبيعات، عدد الطلبات، عدد العملاء ونسبة المرتجعات، وكمان فيها رسوم توضح المبيعات عبر السنين، والمبيعات حسب الموقع والفئة، بالإضافة لتحليل الطلبات حسب نوع العميل وطريقة الشحن.

الصفحة التانية **Customer Insights** ودي بتركز على تحليل العملاء بشكل أعمق، زي عدد العملاء، متوسط المبيعات لكل عميل، ومتوسط عدد الطلبات. كمان فيها رسم يوضح أعلى العملاء من حيث المبيعات، وتحليل للطلبات عبر الزمن، بالإضافة لأكثر المنتجات تحقيقًا للمبيعات.

بعد كده صفحة **Location Insights** ودي بتوضح توزيع المبيعات حسب الولايات والمناطق، مع جدول تفصيلي للكميات والمبيعات في كل ولاية، ورسم يوضح نسبة المبيعات حسب المنطقة، وكمان تحليل لنسبة المرتجعات في المدن المختلفة.

وفي صفحة **ShipMode Insights** بنحلل فيها طرق الشحن المختلفة، بنشوف عدد الطلبات لكل طريقة شحن، والمبيعات المرتبطة بيها، وكمان الكميات اللي اتباعت حسب نوع الشحن، وده بيساعد نفهم أكتر أي طريقة شحن هي الأكثر استخدامًا وتأثيرًا على المبيعات.

الميزة في الداشبورد إن فيه **فلاتر تفاعلية** زي التاريخ، الولاية، المنطقة، نوع العميل، الفئة، وطريقة الشحن، وده بيخليك تقدر تحلل البيانات من أكتر من زاوية بسهولة.

الهدف من المشروع إن أي حد يقدر يفهم أداء المبيعات بسرعة ويطلع Insights مفيدة تساعد في تحسين القرارات وزيادة المبيعات.