تصميم كامل لتطبيق موبايل يشمل تجربة وواجهة المستخدم Ux Ui

خلال الفترات اللي فات كنت بألاحظ أصدقاء وزملاء ليا ساكنين في قرى ومراكز بعيدة عن أسوان بيضطروا للنزول قبل مواعيدهم بوقت طويل يوميًا، بس عشان يضمنوا الوصول في الموعد.

جزء كبير من يومهم كان بيُهدر في الانتظار، مع شعور دائم بالقلق والتوتر بسبب غياب التحكم في الوقت.

من هنا جات فكرة Sekka.

تطبيق موبايل يهدف إلى تقليل غموض انتظار الميكروباصات عن طريق عرض أقرب الرحلات المتاحة، ووقت الوصول والتحرك المتوقع، وده هيساعد المستخدم على اتخاذ قرار بسيط لكنه مهم: ينزل دلوقت ولا ينتظر شوية.

المشكلة بكون موجودة في الانتظار العشوائي اليومي لأغلب الناس اللي بتتحرك بالمواصلات بين القرى والأقاليم، وده بيخليك دايماً متوتر، وحاسس إنك فاقد للسيطرة على يومك ووقتك.

الحل للي وصلتله كان تطبيق موبايل يضيف قيمة بسيطة لكنها مهمة وهي المعلومة، مثل:

- أقرب ميكروباص على خط السير المحدد.

- وقت متوقع للوصول والتحرك.

- تنبيه عند بدء التحرك.

- إمكانية الانضمام للرحلة.

في المشروع اشتغلت على:

- UX Research & Problem Framing.

- User Flows للراكب والسائق.

- Low & High-Fidelity Wireframes.

- Design System متكامل.

وبكده نقدر نقول إن Sekkaهو محاولة لإعادة الإحساس بالتحكم في جزء صغير من يومنا، لكنه مؤثر جدًا.